ପ୍ରୀତି ଉପହାର
ପ୍ରୀତି ଉପହାର
1 min
232
ଅସଜଡା ସୋରିଷ କିଆରି
କିଏ ସଜାଡିଲା
ତୁମ ବୋହୂ ବେଶ
ଶେଷ ସ୍ପର୍ଶ ହୋଇ
କା'ଘରକୁ ଗଲା
ମୋ ଘରକୁ ନଇଲା ।
ଜୀବନର ଦିନସାରା
ଚାହିଁଚାହିଁ ସନ୍ଧ୍ୟା ଆସିଗଲା
ବେଗୁନିଆଁ ବାଡ ତୁମ ଘର
ହୁଡାରୁ ହଟିଲା
ଆମ ଅଗଣାରୁ
କାହିଁ ତୁମ ମୁହଁ ନଦିଶିଲା ।
କହିଥିଲ ଏଇସନ
ଉପହାର ଦେବ
ସିନ୍ଦୁର ସିନ୍ଥିରେ ତୁମ
ନିଶ୍ଚେ ଝଟକିବ
ଅଳତା ପାଉଁଜି ପାଦ
ଆମ ଏରୁଣ୍ଡି ଡେଇଁବ ।
ଅନ୍ୟ କାହା ହାତଧରି
ତୁମେ ଚାଲିଗଲ
ପୁରୁଣା ସନ୍ତକ ସବୁ
ସାଙ୍ଗରେ ତ ନେଲ
କଣ?
ମତେ ଏହି ପ୍ରୀତି ଉପହାର ଦେଲ
ଏହି ଉପହାର ଦେଲ ।