ନୂଆ ବରଷର ପହିଲି କିରଣ
ନୂଆ ବରଷର ପହିଲି କିରଣ
ନୂଆ ବରଷର ପହିଲି କିରଣ
ସମୃଦ୍ଧି ବିଭବି ହେଉ ,
ଅପସରି ଯାଉ ରୋଗଶୋକ ଦୁଃଖ
ଦୁଃଖୀଜନ ହସିଦେଉ ।1।
ବ୍ରହ୍ମାଣ୍ଡ ଠାକୁର ଜଗତ ଈଶ୍ଵର
ଜୟ ଜୟ ଜଗନ୍ନାଥ ,
କରୁଣାର ଫୁଲ ଝରି ପଡୁ ସତ
ପାଦ ପଦ୍ମେ ପ୍ରଣିପାତ ।2।
ଉଣେଇଶି ଆସୁ ଅଠରଟା ଯାଉ
ସ୍ଵାଗତ ବିଦାୟ ପର୍ବ ,
ଅଭିନନ୍ଦନରେ ସର୍ବେ ଉଜାଗରେ
ନିଆରା ସମ୍ପର୍କ ଭାବ ।3।
ନୂଆ ବରଷର ନୂଆଗୀତ ମୋର
ସ୍ପନ୍ଦନ ଶବଦ ହେଉ ,
ପାଠକ ପାଠିକା ସମ୍ପଦ କଣିକା
ଭାବନାରେ ନାଆଁ ରହୁ ।4।
ପ୍ରେମ ଫୁଲ ବର୍ଷା ସଭିଁଙ୍କ ସଦିଚ୍ଛା
ଅବିରତେ ପଡ଼ୁ ଝରି ,
ଶତାବ୍ଦୀ ବିଜୟ ଉଣେଇଶ ହସ
ଶୁଭ ଫଳେ ବିଭାବରୀ ।5।
ପ୍ରେମର ପ୍ରେମିକା ସର୍ବଜନାଦୃତା
ଭଲ ପାଉ ମନ ଭରି ,
ପ୍ରେମ ଫଗୁ ରଙ୍ଗ ବାସୁ ମହମହ
ହସି ଦେଉ ସୁନା ଗୋରି ।6 ।
ଅସୁମାରି ଆଶା ନହେଉ ନିଆଶା
ସର୍ବ ସୁଖ ହେଉ ପ୍ରାପ୍ତ ,
ହସର ଜୁଆର ଖୋଲୁହେ ' ଦୁଆର
ଲୁହ ହୋଇ ଯାଉ ସୁପ୍ତ ।7।
ପାପର ବିଲୟ ହେଉ ଆହେ'ନାଥ
ଏତିକି ବିନତି ଅଳି ,
ଅପସରି ଯାଉ ବ୍ୟଭିଚାରି ସତ
ଲାଗିବନି ଆଉ କଳି ।8।
ଏ ନବ ବରଷ ପ୍ରୀତିର ପରଶ
ପ୍ରେମ ଫୁଲ ମହକିବ ,
ହେ'ପ୍ରଭୁ ଗୋସାଇଁ ଜଗତର ସାଇଁ
ଅଜାଡି ଦିଅ ବିଭବ ।9।
ସଦାନନ୍ଦ ସାହୁ , ଧୁରୁଷିଆ ,ଆଠଗଡ଼ , କଟକ