ଜାଣିକି ପାଲଟୁ ଓଲୁ
ଜାଣିକି ପାଲଟୁ ଓଲୁ
କାଚଗୋଲି ଖେଳ ଖେଳୁ ଖେଳୁ ଆମେ
ସେଦିନ ଅଧାରୁ ଗଲୁ ,
ଆଜି ପୁଣି ଆମ ସାଥିରେ ଖେଳୁଛୁ
ମାରିବୁ ନାହିଁଟି ଗାଲୁ ।
ଚହଟ ଚିକ୍କଣ କଥା କହୁ ସିନା ,
ଖେଳିଲା ବେଳକୁ ଯେତେକ ବାହାନା ।
ମନା କରୁ କରୁ ଉପରେ ପଡ଼ିକି
ଖେଳୁଛୁ ତୁ ବିଲୁକୁଲୁ ।
କାଚଗୋଲି ଖେଳ ଖେଳୁ ଖେଳୁ ଆମେ
ସେଦିନ ଅଧାରୁ ଗଲୁ ।
ମିଶିକି ଖେଳିଲେ ଲାଗେ ସିନା ମଜା,
କଳି ଗୋଳ କଲେ ହୋଇବାକି ରାଜା ।
ହାରିବା ଜିତିବା ସାଧାରଣ କଥା
ଜାଣିକି ପାଲଟୁ ଓଲୁ ।
କାଚଗୋଲି ଖେଳ ଖେଳୁ ଖେଳୁ ଆମେ
ସେଦିନ ଅଧାରୁ ଗଲୁ ।
କହୁଥିଲେ ଜେଜେ,"କରିବନି ଗୋଳ,
ଖେଳଟି ଖେଳିବ ହୋଇ ତୁମେ ମେଳ ।
ବଢ଼ିବ ଦେହର ପରା ବୁଦ୍ଧି,ବଳ
ଅଭ୍ୟାସିଲେ ପିଲାବେଳୁ ।"
କାଚଗୋଲି ଖେଳ ଖେଳୁ ଖେଳୁ ଆମେ
ସେଦିନ ଅଧାରୁ ଗଲୁ ।
ଆଜି ପୁଣି ଆମ ସାଥିରେ ଖେଳୁଛୁ
ମାରିବୁ ନାହିଁଟି ଗାଲୁ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।