ଅଭିନେତା ବନାମ୍ ରାଜନେତା
ଅଭିନେତା ବନାମ୍ ରାଜନେତା
ଅଭିନେତା ସିଏ ଅଭିନୟ କରି
ବିଶ୍ୱରେ ଚର୍ଚ୍ଚିତ
ବନ୍ଦିତ ହୁଏ ।
ସୌନ୍ଦର୍ଯ୍ୟବୋଧର ପ୍ରତୀକ,ପୂଜାରୀ
ସୌନ୍ଦର୍ଯ୍ୟ ପ୍ରେମର
ସଙ୍ଗୀତ ଗାଏ ।।
ରାଜନେତା ତୁମେ ସୁଚିନ୍ତା ସୁକର୍ମ
ପ୍ରତିନିଧି ସାରା
ଦେଶ ହିତକୁ ।
ଯାହା ମୁଁ ଦେଖୁଛି ଅଙ୍ଗେ ନିଭାଉଛି
ଗରଳ ଭରୁଛ
ଭାଇ ଭାଇଙ୍କୁ ।।
ଅଭିନୟ ଏକ ନିଖୁଣ ସମ୍ଭାର
ବାନ୍ଧି ରଖିଥାଏ
ଲକ୍ଷେ ଦର୍ଶକ ।
ପଲାସ ଫୁଲରୁ ବାସନା ଛୁଟାଇ
ଅଭିନେତା ନିଜ
ବାଢେ ମହକ ।।
ଧୀରେ ଧୀରେ ସବୁ ଅଭିନେତା ଗଣ
ରାଜନେତା ହୋଇ
ଦେଶ ଚର୍ଚ୍ଚାରେ ।
ଜାଣି ବି ହୁଏନି ବୁଝି ବି ହୁଏନି
କି ସୁଖ ପାଆନ୍ତି
ରାଜ ସେବାରେ ।।
ହୁଅ ପଛେ ତୁମେ ରାଜ ନେତା ଅବା
ଅଭିନେତା ପଣ
ଥାଉ ତୁମର ।
ଦେଶର ସେବାରେ ବ୍ରତୀ ହୁଅ ତୁମେ
ଗର୍ବ ଓ ଗରୀମା
ବଢୁ ଦେଶର ।।
ପ୍ରିୟ ଅଭିନେତା ପ୍ରିୟ ରାଜ ନେତା
ପ୍ରିୟ ପରିଜନ
ପ୍ରିୟ ବାନ୍ଧବ ।
ଦେଶର ସମୃଦ୍ଧି ପ୍ରଗତିରେ ସିଦ୍ଧି
ତୁମରି ହାତରେ
ହେଉ ଉଦ୍ଭବ ।।