ଆସିଗଲା ଏବେ ଦୀପାବଳୀ
ଆସିଗଲା ଏବେ ଦୀପାବଳୀ
ଆଜି ପରା ଅଟେ ଦୀପାବଳୀ
ପୂଜା ପାଉଛନ୍ତି ମହାକାଳୀ
କ୍ଷୀରି ଆରିଶାରେ ଭରା ହେବ ପେଟ
କାଠି ଜଳାଇବେ ବୁଲି ବୁଲି l
ସାତ ପୁରୁଷର ଯେତେ ପିଢି
ଆସିଥିଲେ ଦେଖି ଘର ବାଡ଼ି
ତାଙ୍କ ବଂଶଧର. ସୁଖ ଦୁଃଖ ଦେଖି
ଦୁଃଖ ନେଇଯିବେ ସୁଖ ଛାଡି.. ।
କହିଗଲେ ସବୁ କାନେ କାନେ
ଭେଦ ଭାବନା ନ ନେବା ମନେ
କୋମଳ ମଧୁର. ବଚନ କହିବା
ଆପଣେଇ ନେବା ସର୍ବ ଜେନ... ।
ଆପଦ ବିପଦ ଜୀବ ଟଳି
ହାତରେ ପକାଅ ହାତ ତାଳି
ଅଜ୍ଞାନ ଅନ୍ଧାର. ଦୂର କରିଦେବ
ଜ୍ଞାନର ଆଲୋକ ଦୀପ ଜାଳି.. ।
ବଡ ବଡ଼ିଆଙ୍କ ଚଲାପଥ
ଅନ୍ଧାର, ନୁହଁଇ ଆଲୋକିତ
ଆଲୋକ ଜଳାଇ. ଅନ୍ଧାର ହଟାଇ
କର ତାଙ୍କ ପଦେ ପ୍ରଣିପାତ.. ।
ଫୁଟାଇବା ନାହିଁ ଶବ୍ଦ ବାଣ
ନ କରିବା ଶବ୍ଦ ପ୍ରଦୂଷଣ
ବାଣ ଫୁଟା ବେଳେ. ସତର୍କ ରହିବ
ସୁରକ୍ଷା କରିବା ଶିଶୁ ପ୍ରାଣ.. ।
ପୂର୍ବଜଙ୍କ ଆତ୍ମା ହେବ ଶାନ୍ତି
ଜଳାଇ ପାରିଲେ ଜ୍ଞାନ ଜ୍ୟୋତି
ସଭିଙ୍କ ଜୀବନ ସାର୍ଥକ ହୋଇବ
ହଟିଲେ ଅଜ୍ଞାନ କାଳ ରାତି.. ।
ଏକଥାକୁ ସର୍ବେ କରି ଜ୍ଞାନ
ଏକତ୍ର କରିବା ସବୁ ମନ
ଭାଇଚାରା ନେଇ ପରବ ପାଳିବା
ଦେଶ ସଂହତିରେ ଦେବା ଧ୍ୟାନ ।