ଠିକଣା
ଠିକଣା
ଡଃ ଶଶୀ ଭୂଷଣ ମହାପାତ୍ର
ଏ ଜୀବନ, ଶରୀର ଓ ମନ
ଏ ସବୁ କାହାର?
କାମନାର ଏ ସବୁ ଅନେକ
ମୋର ଆଉ ମୋର,
ପତ୍ନୀ,ପୁତ୍ର, କନ୍ୟା,ମୋର
ଘର ମୋର, ଏ ଗାଁ ମୋର,
ଏ ଠିକଣାବି ମୋର|
ତଥାପି ଏ ଯାଏଁ କାହିଁକି
ମୁଁ ହୋଇପାରିନି
ଏ ସବୁର ଅଧିଶ୍ୱର |
ଏ ନଈ, ଏ ଆକାଶ
ସୂର୍ଯ୍ୟ, ଚନ୍ଦ୍ର,ଏତେ ତାରା
ଏ ସବୁ ତେବେ କାହାର?
ମୁଁ ଠିକଣା ଖୋଜୁଛି
କିଏ ମାଲିକ ଏ ସବୁର |
ମୋ ହୃଦୟର ସ୍ପନ୍ଦନରେ
କେହି ଜଣେ ମୋ କାନେ
ନିରନ୍ତର କହୁଛି,
ଏ ସବୁ ତୋର ନୁହେଁ
ସବୁ ମାଟି, ପାଣି, ପବନ
ନିଆଁ ଆଉ ଆକାଶର ଖେଳ,
ବହୁ ଦୂରେ ସେପାରିରେ
ଜଣେ କେହି କରୁଛି ନିୟନ୍ତ୍ରଣ |
ରାତ୍ରିର ନିବିଡ଼ ଅନ୍ଧାର
ଦିନର ଯଜୁଲ୍ୟ ଆଲୋକ
ଜାଗ୍ରତର ବାର୍ତା ଦିଏ
କରିବାକୁ ତୁମଠି ଆତ୍ମସମର୍ପଣ |
ଅବିରତ ତୁମ ସ୍ପର୍ଶ ପାଇଁ
ନୀରବରେ ଏ ସବୁକୁ
କରୁଛି ନିତି ଅଵଲୋକନ |
ମୁଁ ଆଜି ଧନ୍ୟ
ଶୁଣି ମଧୁସ୍ଵନ ,
ସେ ଧ୍ୟନିରେ ଆତ୍ମହରା
ହୁଏ ମୋ ହୃଦୟ
ମୋର ବୋଲି କିଛି ନାହିଁ ,
ପାଇବିକି ମାଲିକଙ୍କୁ
ଖୋଜୁଛି ଠିକଣା ତାଙ୍କର |
*****************