ବସନ୍ତ ଭାବନା
ବସନ୍ତ ଭାବନା
1 min
214
ଅନ୍ତେ ଆସେ ଧରାବୁକେ ଧୀରେ
ଚଇତି ଚୋରା ପବନ
ମଳୟ ପବନ ବାଜିଲେ ନିମରେ
ହୋଇଯାଏ ସେ ଚନ୍ଦନ ।
ପତ୍ରଝଡା ଦେଇ ବୃକ୍ଷରାଜି ଥିଲେ
ଶ୍ରୀହୀନ ବିଧବା ପରି
ନବ ପଲ୍ଲବରେ ପଲ୍ଲବିତ ହୋଇ
ସବୁଜିମା ଯାଏ ଭରି ।
ପଳାଶ କୁସୁମ ରକ୍ତ ବର୍ଣ୍ଣ ହୋଇ
ଅତି ଦୂରୁ ହୁଏ ଦୃଷ୍ଟ
ସୀମନ୍ତିନୀ ଯଥା ପତି ମତି ହୋଇ
ଧବକୁ କରେ ଆକୃଷ୍ଟ ।
ବସନ୍ତ ରାସରେ ରସରାଜ ଦିନେ
ରସୁଥିଲେ ଗୋପାଂଗନା
ଅବିର ରଂଗରେ ହୋଲି ବିଭଂଗରେ
ମତ୍ତ ହୋଇ ଚନ୍ଦ୍ରାନନା ।
ବସ୍ତୁବାଦ ଆଜି ଘାରିଛି ଜଗତ
ବସନ୍ତ ଠିକଣା ହଜେ
ହସନ୍ତ ସଂସାର ପରିଚୟ ହାରି
ବସ୍ତୁରେ ବସନ୍ତ ଖୋଜେ ।
-ବିଶ୍ୱେଶ୍ଵର ମାଝୀ-