ଭାରତ
ଭାରତ
ଭାରତର ଯେଉଁ ଦୁଃଖରେ
ହାତ ମାରିବ ସେଠି
ଫୁଟା ଯାଇପାରେ
ସୁଖର ପଦ୍ମ !
ନିଜ ଦୁଃଖର ପାହାଡ ବଦଳିପାରେ
ଖଣ୍ଡଖଣ୍ଡ ସୁଖର ବର୍ଫିରେ
ନିଜ ଲୁହର ସମୁଦ୍ର
ଶୋଷି ହୋଇଯାଏ
ଗଣ୍ଡୁଷେ ପାଦୁକ ପାଣିରେ !
ନିଜ ଯନ୍ତ୍ରଣାର ରକ୍ତ ନେଇ
ଐକ୍ଯର ତୂଳୀରେ ଅଙ୍କାଯାଇପାରେ
ଓଁ କାର ସ୍ବସ୍ତିକ !
ଭାରତର ପଞ୍ଜରା ହାଡରେ
ଯେଉଁଠି ହାତ ମାରିଲେ ବି
ସେଠି ଗଙ୍ଗା କି ଯମୁନା ବହିପାରେ
ବିନ୍ଧ୍ଯ ହିମାଳୟ ମୁଣ୍ଡ ଟେକିପାରେ
ଅବା କେଉଁ ଅଦୃଶ୍ଯ ପାପୁଲିର ଆଶୀର୍ବାଦ
ତୁମ ମଥା ସ୍ପର୍ଶ କରିପାରେ !