ପ୍ରକୃତ ଶ୍ରଦ୍ଧାଞ୍ଜଳି
ପ୍ରକୃତ ଶ୍ରଦ୍ଧାଞ୍ଜଳି
ଶହୀଦ୍ ଭାଇଙ୍କ ତେର ଦିନ ଶୋକେ
ଦେଶ କାନ୍ଦୁଥିଲା ଯେବେ
ପ୍ରବଳ ଗ୍ରୀଷ୍ମରେ ମଳୟ ବହିଲା
ଉଶ୍ୱାସ ଲଗିଲା ତେବେ
ହରଷ ହୋଇଲା ମନ
ସତେକି ଭାରତ ବର୍ଷକୁ ମିଳିଲା
ହୀରା ମୋତି କୋଟି ଧନ
ପାକିସ୍ତାନ ସୀମା ମଧ୍ୟରେ ପଶିକି
ଭାରତୀୟ ବାୟୁସେନା
ହଜାରେ କିଲୋର ବୋମା ପକାଇକି
କ୍ଷୀରକୁ କରିଲେ ଛେନା
ବିଛା ମନ୍ତ୍ର ସେ' ନଜାଣି
ହାତ ପୁରାଇଲା ସାପର ଗାତରେ
ସାପ ଦେଲା ଚୋଟ ହାଣି
ଶହୀଦଙ୍କୁ ଆମ ଶ୍ରଦ୍ଧାଞ୍ଜଳି ଦେଲୁ
ତିନିଶ ପଚିଶି ମାରି
ଆତଙ୍କୀ ଆଡ୍ଡାକୁ ଜାଳି ପୋଡ଼ିଦେଲୁ
ବାର୍ତ୍ତାକୁ ନକରି ଜାରି
ଆହୁରି ରହିଛି ପାଳି
ବିଶ୍ଵ ଦରବାରରେ ଏକଲା କରିବୁ
ଲଗାଇ ତା ମୁହେଁ କାଳି
ନିର୍ଲଜ ସେ ପାକିସ୍ତାନ କହୁଅଛି
ରାତ୍ରି ଅନ୍ଧକାରେ ଆସି
ବମ୍ ପକାଇଲ ଶୀଘ୍ର ପଳାଇଲ
ଦେଇଥାନ୍ତୁ ଆମେ ନାଶି
ଚୋର ମୁହଁ ଦେଖ ଟାଣ
ଅଜାଗା ଘାଆଟା ପୋଡ଼ୁଛି ତାଙ୍କର
ବାଜିକି ରକେଟ୍ ବାଣ
ଆରେ ମୂର୍ଖ ମାନେ ସୁଧୁରି ଯାଅରେ
ନୋହିଲେ ନିପାତ ହେବ
ବିଶ୍ୱ ମାନଚିତ୍ରେ ପାକିସ୍ତାନ ବୋଲି
ଦେଶ ଯେ ଆଉ ନଥିବ
ଆମେ ଶାନ୍ତି ପ୍ରିୟ ଦେଶ
ଶତ୍ରୁତା କରିଲେ ଧ୍ବଂସ କରିଦେବୁ
ଧରିକି ରୁଦ୍ରଙ୍କ ବେଶ
----------ଅରଙ୍ଗାବାଦ, ବରୀ, ଯାଜପୁର------
---