Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡ଼ିଆ ଗଳ୍ପ ଓ କବିତା - ୩

Classics

2  

ଓଡ଼ିଆ ଗଳ୍ପ ଓ କବିତା - ୩

Classics

ତୃଷ୍ଣା

ତୃଷ୍ଣା

1 min
6.7K


ବିରଜା ତ୍ରିପାଠୀ


ରାଧା ପାଇଁ ତୁମେ ମୁରଲୀ ଧରିଲ

ରଙ୍ଗ ଅଧରରେ ଧାରେ

ସହସ୍ର ତରଙ୍ଗ ବୋଳି ଦେଇଥିଲ

ରାଧାରାଣୀ ଅନ୍ତରରେ l

ତୁମ ବଂଶୀସ୍ଵର୍ଣ୍ଣେ ଯାଦୁ ବୋଳି ରାଧା

ହୃଦୟ କରିଲ ଜୟ

ମତୁଆଲା ହୋଇ ଲୋଡୁଥିଲେ ସେହି

ହେବାକୁ କଳଙ୍କମୟ l

ପଥବଣା କରି ଶିଖାଇଲ ପ୍ରେମ

ଖୋଇଦେଲ ଯେଉଁ ସ୍ଵାଦ

ପ୍ରତି ଲୋମକୂପ ହେଲା ପ୍ରାଣ ବନ୍ତ

ତୁମ ହୃଦେ ମିଶି ହୃଦ l

ଝୁରି ହେଉଥାନ୍ତି ତୁମ ଶ୍ରୀମୁଖକୁ

ମୂକକୁ କର ବାଚାଳ

ଜଳାଇଲ କିମ୍ପା ତୁମ ପ୍ରେମାନଳେ

ଖୋଜିଲେ ହୋଇ ଆକୁଳ l

ହରାଇଲେ ସତ୍ତା ବିଚ୍ଛେଦ ରାଗିଣୀ

ବଜାଇ ମନ ମନ୍ଦୀରେ

ଛଳନା ନୁହଁଇ ତୁମରି ପରଶ

ଭାବି ପ୍ରୀତି ଯନ୍ତ୍ରଣାରେ l

ପ୍ରେମର ସଳିତା ଜାଳି ଜଳି ଜଳି

ବାନ୍ଧିଲେ ପ୍ରେମ ରଜ୍ଜୁରେ

ପ୍ରେମର ବନ୍ଧନ ନୁହେଁ କେବେ ଭିନ୍ନ

ପ୍ରେମୀ ଯୁଗଳ ମଧ୍ୟରେ l

ତୁମ ପ୍ରେମ ଜାଲେ ପଡ଼ି ମନ-ମୀନ

ପାଏ ନାହିଁ ଥଳକୂଳ

ଋଷି, ମୁନୀ,ଜ୍ଞାନୀ ତୁମ ପ୍ରେମ ପାଇଁ

ହୁଅନ୍ତି ସଦା ବ୍ୟାକୁଳ l

ଏ ଜୀବନ ବୃକ୍ଷ ଅଟଇ ଅଳୀକ

ମିଛେ ହୁଏ ଉତ୍ ଫୁଲିତ

ତୁମ କରୁଣାରେ ଶୁଷ୍କ ତରୁ ମଧ୍ୟ

ହୋଇଥାଏ ପଲ୍ଲବିତ l

ହେ ଛନ୍ଦାଚରଣ ତୁମ ଦିବ୍ୟ ପ୍ରେମ

ମୋ ପାଇଁ କର ଅତୁଟ

ଜନ୍ମ ଜନ୍ମାନ୍ତର ରଖ ତୁମ ସାଥେ

ପୁରିଗଲେ ମୋର ଘଟ l

ସର୍ବସ୍ଵ ସମର୍ପି ତୁମକୁ ହେ କୃଷ୍ଣ

ଲଜ୍ଜା ନିବାରିଲେ କୃଷ୍ଣା

ବିପଦ ଭଞ୍ଜନ ବିପଦୁ ଉଦ୍ଧାରି

ମେଣ୍ଟାଇବ ମୋର ତୃଷ୍ଣା l


Rate this content
Log in