ହାଏରେ ମୋ’ ପାୱାର ଚଷମା- ୦୩

କାଲି ଦେଖୁଥିଲି ଟାଇଟି ଜିନ,

ସ୍କୁଟି ଛୁଟାଉ ତୁ ବେଗ ପବନ,

ପୁଅ ପିଲା ପରି କଟିଙ୍ଗି ତୋ’ର

ଥରେ ଦେଖିଦେଲେ ମାଡିବ ଜ୍ଵର ।

ତଥାପି ମନକୁ ଦେଲି ବୁଝାଇ ,

ତୋହରି ପ୍ରେମରେ ହୋଇଲି ବାଇ,

ଭାବିଲି ମୁଁ ତୋର କୃଷ୍ଣ କହ୍ନାଇ,

ତୁ ସାଜିବୁ ମୋର ସୁନ୍ଦରୀ ରାଇ ।

ଜାଣି ମୁଁ ନଥିଲି ହୋଇଛୁ ବାହା

ଏବେ ଦେଖି ମୋତେ ଲାଗେ ଛାନିଆ,

କାର୍ତ୍ତିକ ପାଳୁ ତୁ ଓଢଣା ପାରି,

ପାଟ ଶାଢ଼ୀରେ ତ ଭାରି ସୁନ୍ଦରୀ ।

ଦେଖିଥିଲି ମୁଁ ଯେ କେତେ ସପନ,

ବିଶ୍ଵାସ ନ କରେ ଆଜି ନୟନ,

ଓଡ଼ିଆ ବୋହୂ ତୁ ଆଉ କାହାର,

କାହିଁକି ତୋ’ ପାଇଁ ସାଜିବି ହିରୋ ।

ପାୱାର ଚଷମା ଦେଇନି ଧୋକା,

ସତ ଜାଣି ମନେ ପଶେ ଛନକା,

ପର ସ୍ତ୍ରୀ ନ ହେବରେ ପ୍ରେମିକା,

ଯଦି ସେ ହୁଅଇ ଦେବରେ ଧୋକା ।

ମୁନ୍ନା ମହାପାତ୍ର, ଗୁଣପୁର