ଜଳ ହିଁ ଜୀବନ

ପାଣି ପାଣି ଯେତେ ଚିତ୍କାର କରିଲେ

ପାଣିତ ମିଳିବ ନାହିଁ

ଗଛ କାଟି ସବୁ ସଫା କରିଦେଲେ

ବରଷା ହୋଇବ କାହିଁ ।

ଜଳ ବିନା ଏଠି ଜୀବନଟା ସତେ

ବଞ୍ଚିକି ପାରିବ କୁହ

ଏମିତି ସମୟ ଆସିଯିବ ଦିନେ

ପିଇବ ଆଖିର ଲୁହ ।

ଜଳର ସଞ୍ଚୟ ଅତ୍ୟନ୍ତ ଜରୁରୀ

କରନାହିଁ ଜମା ନଷ୍ଟ

ବୁନ୍ଦାଏ ଜଳବି ପାଇବା ପାଇଁକି

ଭୋଗୁଥିବ ନାନା କଷ୍ଟ ।

ଗଛ ଥିଲେ ସିନା ବରଷା ହୋଇବ

ମିଳିବ ଆମକୁ ଜଳ

ଉପରକୁ ଚାହିଁ ବସିକି ରହିଲେ

କାହୁଁ ବା ମିଳିବ ଫଳ ।

ଜଳ ଆଉ ବାୟୁ ବଞ୍ଚିବା ପାଇଁକି

ନିହାତି ଅପରିହାର୍ଯ୍ୟ

ସେଥିପାଇଁ ପରା ଗଛଟେ ବଞ୍ଚିବା

ନିହାତି ଅଟଇ ଧାର୍ଯ୍ୟ ।

ବେଳ ଥାଉ ଥାଉ ସଜାଗ ହୋଇବା

ଜଳର ସୁରକ୍ଷା ପାଇଁ

ନଷ୍ଟ କରିବାନି ଜଳକୁ କେବେ ହେଁ

ଗଛ ବି ଦେବା ଲଗେଇ ।