Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Inspirational Others

3  

Prasanna Kumar Madala

Inspirational Others

ସ୍ବାକ୍ଷରିତ ପଥର

ସ୍ବାକ୍ଷରିତ ପଥର

1 min
142


ଜେଜେଙ୍କ ଅମଳୁ ଅଧାପକ୍କା ତଳୁ

ସନ୍ତାଏ ଏ ଘରେ ପାଣି

ଭଙ୍ଗା ହେଲା ପରେ ଭିତ୍ତିର ଉପରେ

ଖଞ୍ଜା ହେଲା ଶିଳା ଆଣି ।

ପୁରୁଣା ପଥରେ ଗଢା ସେ ସତରେ

ଗାଉଥିଲା ଇତିହାସ

ପୂର୍ବପୁରୁଷର ଝାଳରେ ଉଷର

ମାଟିରେ ଆତ୍ମୀୟ ବାସ ।

ଶୁଭାଶିଷ ପାତି ନାତି ଅଣନାତି

ଜୀବନେ ଅଭୟ ଆଶେ

ଆଶ୍ରା ଦେବା ଅର୍ଥେ ସଂକଳ୍ପର ପଥେ

ଅଦ୍ୟାବଧି ଛନ୍ତି ପାଶେ ।

ଯାହା ଥିଲା ଧନ ସେକାଳେ ସାଧନ

ବୋହିଥିବେ ନିଶ୍ଚେ ମୁଣ୍ଡେ

ତଳେ ଦେଖି ପାଦ ଚିପି ଚିପି ବାଧ୍ୟ

ଝାଳ ପିଇଥିବେ ତୁଣ୍ଡେ ।

ଝାଳରେ ଆସକ୍ତ କେଇ ବୁନ୍ଦା ରକ୍ତ

ଶରୀରୁ ନିଗାଡ଼ି ମଧ୍ୟ

ବୋଝକୁ ନଚାହିଁ ଚିହ୍ନା ଦେବା ପାଇଁ

ଥିଲେ ସେ ସଂକଳ୍ପବଦ୍ଧ ।

ପାଦେ ପାଦେ ମାପି ହାତ ଚିହ୍ନ ଛାପି

ସ୍ବାକ୍ଷର ରଖିଲେ ଛାଡ଼ି

ଉଭାପୋତା ଯାହା ଜଣାପଡେ ତାହା

ଆଗକୁ ଯାଆନ୍ତେ ମାଡି ।

ମାଟି ତଳୁ ମିଳେ ପଥରର ବିଳେ

ଶତାବ୍ଦୀର ବ୍ୟବଧାନେ

ଆମ ବ୍ୟବହାର ପାଇଁ ଉପହାର

ସାଇତା ଥିଲା ସନ୍ଧାନେ ।

ଶିଳାର ବିଗ୍ରହେ କଠୋର ନିଗ୍ରହେ

ରକ୍ଷା କରିବାକୁ ବଂଶ

ବଖାଣି ବି ନୋହି କାଟିବାଠୁ ବୋହି

ଗଢିଥିଲେ ଯେତେ ଅଂଶ ।

ଶିଳାଲେଖ ପରି ସୂଚାଏ କିପରି

ପ୍ରେମମୟ ଯତ୍ନ ମାନ

ଋଣ ପରିଶୋଧ ବଳେ ସତ୍ୟବୋଧ

ରହିଲେ ସିନା ଏକାନ୍ନ ।


ପ୍ରସନ୍ନ କୁମାର ମାଦଳା


Rate this content
Log in