ତୋତେ ମୋତେ ସିନା ଜଣା
ତୋତେ ମୋତେ ସିନା ଜଣା
1 min
7.3K
ତୋ ମୋ ଭିତରେ ଯେଉଁ ଭାବ ଅଛି
ତୋତେ ମୋତେ ସିନା ଜଣା ,
ଆଉ କା' ନଜରେ ଧରାପଡ଼ିଗଲେ
ଅପବାଦେ ହେବ ଗଣା ।(୦)
ଶୟନେ ସପନେ କିବା ଜାଗରଣେ
ନାଚୁଥାଏ ତୋର ମୁହଁ ,
ଭୋକ,ଶୋଷ ଭୁଲି ,ଭାଳୁଥାଏ ଖାଲି
ସତେ ତୁ ମୋର କି ନୁହଁ ;
କିବା ଆଉ କାହା ପାଶେ ମନଦେଇ
କରୁଅଛୁ ମୋତେ ବଣା ।(୧)
ଅପବାଦେ ହେବ ଗଣା...
ତୋ ମୋ ଭିତରେ ଯେଉଁ ଭାବଅଛି
ତୋତେ ମୋତେ ସିନା ଜଣା ,
ଆଉ କା' ନଜରେ ଧରାପଡ଼ିଗଲେ
ଅପବାଦେ ହେବ ଗଣା ।
ଶୁଣିଛି ମୁଁ ତୋର ଭାବରେ ପଡ଼ିଲେ
ଏମିତିକା ଦଶା ହୁଏ ,
ନିନ୍ଦା,ଅପବାଦ, ଉଲୁଗୁଣା ଯେତେ
ସହି ସହି ଦିନ ଯାଏ ;
ତଥାପି ମୁଁ ତୋତେ ମନ ଦେଇଅଛି
ବୁଦ୍ଧି ମୋ ହୋଇଛି ବଣା ।(୨)
ଅପବାଦେ ହେବ ଗଣା...
ତୋ ମୋ ଭିତରେ ଯେଉଁ ଭାବ ଅଛି
ତୋତେ ମୋତେ ସିନା ଜଣା ,
ଆଉ କା' ନଜରେ ଧରାପଡ଼ିଗଲେ
ଅପବାଦେ ହେବ ଗଣା ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।