ଅଭିଳାଷର ଅବର୍ତ୍ତମାନରେ
ଅଭିଳାଷର ଅବର୍ତ୍ତମାନରେ
ଅଭିଳାଷ ର ଅବର୍ତ୍ତମାନ ରେ
♀♀♀♀♀♀♀♀♀♀♀♀♀♀♀♀♀
ଭିଜା ଆଖିର, ପଲକ ତଳେ ,
ଅଭିମାନ ଚାହାଣୀ ,
ଅକୁହା ବାରତା ତୁମ ଚାପିଦିଏ ,
ମୌସୁମୀର ଲୁହ ,,
ଆତ୍ମ ତୃପ୍ତି ପାଇବାରେ ,
ସନ୍ଦିହାନ ତୁମ ମୁଖ ଦରପଣୀ,
ସ୍ପର୍ଦ୍ଧା ଲଜ୍ଜା କରେ ସ୍ମୃତି ରେ ,
ଜଡାଇବାକୁ ହୃଦୟ ର କୋହ ।।
ଟିପି ଟିପି ବର୍ଷା ପାଣି ଭରିଦିଏ ,
ସାନ୍ତ୍ବନାର ସ୍ୱର ହୃଦୟରେ ,
ଆଖିର ଆଖିଏ ଶୂନ୍ୟତା କିନ୍ତୁ
ଚିରିଦିଏ ମନ ଆଉ ପ୍ରାଣ ,,
ବିରହ ବେଦନା ର ମୁହୂର୍ତ୍ତରେ
ଆରମ୍ଭ ରୁ ଶେଷ ସୀମା,
ଥିଲେ ଥାଉ , ଆକାଶଟା କିନ୍ତୁ
ଧୂମ କୁଣ୍ଡଳୀରେ ଆଚ୍ଛନ୍ନ ।।
ମାୟା ମାନେ ସୃଷ୍ଟିର ଆଦି ଅନ୍ତେ ,
ବିରାଜିତ ସକଳ ପଦାର୍ଥେ ,
ଗତିଶୀଳ ମନ ର ଚିକୁରେ
ତ୍ରିଭୁବନ ବିଜୟ ର ଆକାଂକ୍ଷା ,,
ସଦା କ୍ଷୁବ୍ଧ କରେ ଅସ୍ତିତ୍ୱ ଜୀବନେ ,
ଏବେ ତ ଗବାକ୍ଷ ଉନ୍ମୁକ୍ତ ହୁଏ ,
ଘଟଣା,ଦୁର୍ଘଟଣା ର ଅବସାନ ପରେ ,
ବାଦଲ ର ଧୁଆଁ ରେ (ଖାଲି ) ଜୀଇଁବାର ପ୍ରତୀକ୍ଷା ।।
ପ୍ରତି ଶ୍ବାସ ବାୟୁ ତୁମ ଚତୁର୍ଦ୍ଦିଗେ ,
ଆଚ୍ଛାଦିତ ଛଳନାର ବର୍ମ ତଳେ ,
ଅହଂ ର ଜ୍ୱଳନ୍ତ ଅଗ୍ନି ରେ ଲେଲିହାନ ,
ଶିଖା ର ଲହ ଲହ ଅବୋଶୋଷ ,,
ଷଠୀଘର ଠାରୁ ଶେଷ ଜୁଈ ଡାକେ ,
ମୋକ୍ଷ ଲାଭ କରିବାକୁ ନଶ୍ୱର ଶରୀରେ ,
ଆତ୍ମାହୂତି ଦେବାପାଇଁ ନିର୍ବାଣ ପଥରେ ,
ଅବସାଦ ଅଲୋଡା ଯେ ଇପ୍ସିତ ଅଭିଳାଷ ।।
ସବୁତକ ମୋହ ବୋହିଯାଉ ଲୁହରେ ,
ତୁମ ଅବର୍ତ୍ତମାନରେ ମୂଲ୍ୟ ନାହିଁ ତା'ର ,
ଆଃ ସ୍ମୃତି କପାଟରେ ଅହଂର ସ୍ୱର ,
ଉଦ୍ଦାତ୍ତ ,ଚପଳ ପ୍ରତିଶୋଧ ବନହିଁ ଜଳେ ,,
ଆକାଶଟା ଲୁହ ଭର୍ତ୍ତି ଥମ ଥମ ଦିଶେ ,
ବିଜୁଳୀ ରଥରେ ବସି ସ୍ୱର୍ଗଅଭିମୁଖେ ,
ମେଘକନ୍ୟା ତୁମେ !ଯାଇପାର ,ହେଲେ ,
ମୋ ଦେହେ ଅଜସ୍ର ପାପ, ପୁଣ୍ୟ ନାହିଁ ତିଳେ ।।
==================
ସିପ୍ରା ନାମତା ( ନମ୍ରତା )
ବାରିପଦା
8249750168