ଦେବଶିଳ୍ପୀ
ଦେବଶିଳ୍ପୀ
1 min
156
ହେ ବିଶ୍ୱକର୍ମା ବିଶ୍ୱ ରଚୟତା
ସୁନ୍ଦର ତୁମର ସୃଷ୍ଟି ,
ତୁମ ଆଗମନେ ଏ ଧରା ବକ୍ଷରେ
କରନ୍ତି ପୁଷ୍ପ ବୃଷ୍ଟି l
ନିହାଣ ମୁନରେ କି ସୁନ୍ଦର ଭାବେ
ଗଢ଼ିଦେଲ ତିନି ମୂର୍ତ୍ତି ,
ଅଧାଗଢା ରୂପ ଅତି ମନଲୋଭା
ମନ ହୋଇଯାଏ ତୃପ୍ତି l
କେତେ ରୂପରେ ପୂଜା ପାଉଅଛ
ଅଦଭୂତ ତୁମର ଲୀଳା ,
ତୁମରି ରହସ୍ୟ ତୁମକୁ ହିଁ ଜଣା
ସଂସାର ତୁମର ଖେଳା l
ସର୍ଜନା ତୁମର ରଚନା ତୁମର
ଆମେ ସବୁ ତୁମ ଦାସ ,
ତୁମେ ନାରାୟଣ ତୁମରି ଭିଆଣ
ହେ ଦେବଶିଳ୍ପୀ ତୁମେ ନମସ୍ୟ l
ନିହାଣ ମୁନରେ ଅତି ସୌନ୍ଦର୍ଯ୍ୟରେ
ଗଢ଼ି ଅଛ ତୁମେ ବିଶ୍ୱ
ସୁନ୍ଦର ସୃଷ୍ଟିକୁ ରକ୍ଷା କର ତୁମେ
ହେବାକୁ ଦିଅନି ଧ୍ୱଂସ l