ଜୟ ମା' ଗୋ ମହାଲକ୍ଷ୍ମୀ
ଜୟ ମା' ଗୋ ମହାଲକ୍ଷ୍ମୀ
1 min
4.4K
କିଦେଇ ପୂଜିବି ମାଗୋ ମହାଲକ୍ଷ୍ମୀ
ସବୁ ପରା ତୁମ ଦାନ
ଭକ୍ତିରେ ଡାକୁଛି ହେ ସାଗର ସୁତା
ପୁଷ୍ପାଞ୍ଜଳି ମୋର ଘେନ ।
ବାଉନ ଭଣ୍ତାରୁ ମାଗୋ ମହାଲକ୍ଷ୍ମୀ
ମୁଠେ ଦିଅ ମୋତେ ଅନ୍ନ
ଦାରିଦ୍ରତା ମୋର ଦୂର କରି ଦିଅ
ଘେନ ମୋର ନିବେଦନ ।
ଦୁଃଖ କଷ୍ଟ ମୋର ହରିନିଅ ମାଗୋ
ଦିଅ ମୋତେ ଦିବ୍ୟ ଜ୍ଞାନ
କଲମ ମୁନରେ ରଚିଯିବି ମାଗୋ
ତୁମରି ଯେ ଯଶମାନ ।
ବଞ୍ଚିଥିଲା ଯାକ ତୁମରି ଚରଣେ
ଥାଉ ସଦା ମୋର ଧ୍ୟାନ
ଉଭା ହୁଅ ମାଗୋ ମୋ ଭଙ୍ଗା କୁଟିରେ
ଦିଅ ବାରେ ଦରଶନ ।
ପ୍ରେମ୍ କବି ଜଗବନ୍ଧୁ ସାହୁ
ଛଞ୍ଚାଣିଆ ପଲ୍ଲୀ ( ଗଞ୍ଜାମ )