କିଶୋରଚନ୍ଦ୍ରାନନ୍ଦ ଚମ୍ପୂ(ଞ)
କିଶୋରଚନ୍ଦ୍ରାନନ୍ଦ ଚମ୍ପୂ(ଞ)
ରାଗ-ତୋଡି ଜଙ୍ଗଲା ବା ମୋହନା
ନ ଭାଙ୍ଗରେ ସୁଭାଙ୍ଗି, ଭାରତୀ ହୁଅ ସାହା (ପଦ)
ନୋହିଲେ ତୁ ପରିତ୍ରାଣ, ନିର୍ଭୟ ନତନୁ ବାଣ
ନିଃଶେଷ କଲାଟି ଦେହ-ଲାହା(1)
ନୀପକୁଞ୍ଜ ଉପକଣ୍ଠେ ନ୍ୟସ୍ତ କରାଅ ମୋ କଣ୍ଠେ
ନାଗରୀନ୍ଦ୍ର ନିରୁପମ ବାହା (2)
ନେତ୍ରାନ୍ତବିଳାସ ତାର ନିଦାନ ଏ ଅବସ୍ଥାର
ନିରେଖି ଉଚ୍ଚାରୁ ଥରେ ଆହା(3)
ନିଶ୍ଚୟ ଏ ଘେନ ଚିତ୍ତେ, ନ ଜୀଇବି କଦାଚିତେ
ନ ବତାଇଲେ ତୁ ସୁଖ ରାହା(4)
ନାଥ ଅଷ୍ଟଦୁର୍ଗର ଯେ, ନିତି ସେ ମୋ ପାଦେ ଭଜେ
ନିନ୍ଦିବଟି ନକଲେ ତୁ ତାହା(5)