ଆସୁଛନ୍ତି ମାଆ ମରତକୁ

ଅଶିଣରେ ମାଆ ଦଶଭୁଜା ରୂପେ

ଆସୁଛନ୍ତି ଏଇ ମରତକୁ ,

ଋତୁଙ୍କ ମଧ୍ୟରେ ଆହା କେଡ଼େ ଭାଗ୍ୟ

ଦେଇଛନ୍ତି ସତେ ଶରତକୁ ।

ପୁଲକିତ ହୁଏ ସବୁରି ପରାଣ

କରୁଣାମୟୀଙ୍କୁ ପୂଜିବାକୁ ,

ବରଷକ ପରେ ଆସୁଛନ୍ତି ସେତ

ଦୁଃଖ,ସୁଖ ସବୁ ବୁଝିବାକୁ ।

ଦୁର୍ଗତି ନାଶିନୀ ଆଶିଷ ଦାୟିନୀ

ସନ୍ତାନ ବତ୍ସଳା-ଯୋଗମାୟା ,

ନିମିଷକେ ସବୁ ସଙ୍କଟୁ ତାରନ୍ତି

ସେଇ ଶକ୍ତିମୟୀ ହର ଜାୟା ।

ତାଙ୍କ ଆବାହନ କରିବାରେ ଆସ

ସରବେ ଅନ୍ତରେ ଭକ୍ତି ଭରି ,

ମାଗିବା ତାହାଙ୍କୁ ସାହସ,ଶକତି-

ଦମ୍ଭ,ସ୍ୱାଭିମାନ ତାଙ୍କ ସରି ।

ଶକ୍ତିମୟୀ ଯେବେ କରୁଣା କରିବେ

ଦୁଃଖ,ଶୋକ ସବୁ ଯିବ ଚାଲି ,

ସାରା ଜଗତରେ ଶାନ୍ତି ବିରାଜିବ

ସୁଖ,ସଉଭାଗ୍ୟ ଥିବ ଖାଲି ।

ମାମୁରିଆ, ଛେଣ୍ଡିପଦା,ଅନୁଗୋଳ।