ମୁଁ ଶିକାରୀ କହୁଚି
ମୁଁ ଶିକାରୀ କହୁଚି
ମୁଁ ଜଣେ ଶିକାରୀ
ଶିକ୍ଷା ନେଇଛି ଶିକାର କରିବାର
କଳା-କୌଶଳ,
କଣ୍ଟାରେ ପାଦଦେଇ
ନିଃଶବ୍ଦରେ ଚାଲିବ ଶିଖିଚି...
ପୁଣି,କଣ୍ଟାରେ ଜମାଟ ବାନ୍ଧିଥିବା
ନାଲି ରକ୍ତ ସବୁ,କିପରି ହାର ମାନିଛନ୍ତି
ମୋ ଶିକାର ର ବଜ୍ର ଶପଥରେ
ତାହା ବି ଦେଖୁଚି !
ଧକ ଧକ କରୁଥିବା ସ୍ପନ୍ଦନକୁ
ବାଜି ଲାଗିଛି ମୃତ୍ୟୁର ପାହାଡ଼ରେ
ଆଉ ତୃଷାର୍ତ୍ତ ଗଳାକୁ କିପରି ମଥାରୁ
ଝରି ଯାଉଥିବା ଲବଣାକ୍ତ ଜଳରେ
ଶୋଷ ମେଣ୍ଟାଇ ଶାନ୍ତ କରିବାକୁ ହୁଅ
ତାହା ଶିଖିଚି !
ପୁଣି ଅଣାୟତ୍ତ ନଭୁଷ୍ଚମ୍ବି ଆକାଶକୁ
କିପରି ଆୟତ୍ତ କରି
ଶର ମୁଣିରେ ରଖି ହୁଅ
ତାହା ମଧ୍ୟ ଶିଖିଚି ।
ଥର ଥର କରୁଥିବା ହାତକୁ
ନିଦାଘ ଗ୍ରୀଷ୍ମର ଟାଙ୍ଗରା ବିଲ ପରି
ଟାଣ କରିବା ଶିଖିଚି ।
ଆଉ ସମୋହନର ପିଚ୍ଛାକୁ କାଟିବା ପାଇଁ ଗୋଟିଏ ଆଖି ବନ୍ଦ କରିବା ବି ଶିଖିଚି !
ମୁଁ ଶିକାରୀ କହୁଛି
ମୁଁ ଶିକାରୀ କହୁଛି ।
ପ୍ରଭୁଦତ୍ତ ପ୍ରଧାନ
ଦୁର୍ଗାପ୍ରସାଦ ,ନୟାଗଡ