ଆଷାଢ ଆସିବ ବରଷା ନେଇ
ଆଷାଢ ଆସିବ ବରଷା ନେଇ
1 min
6.9K
ଉତ୍କଳ କେଶରୀ ବର୍ମା
ରୁଣୁଝୁଣୁ ତାନେ ନୂପୁରନାଇ ,
ମନ୍ଦ୍ର ବାଦ୍ୟରେ ତନୁ ନଗଇ ,
ଚାରୁ ଶୁଷମାର ସଂଭାର ନେଇ ,
ଆଷାଢ ଆସିବ ବରଷା ନେଇ ।
ନିରନ୍ଦ୍ର ତାନରେ ବାରି ବର୍ଷାଇ ,
ଓଦା କରି ତପ୍ତ ଟାଙ୍ଗରା ଭୁଇଁ ,
ଆତୁର ଚାତକ ତୃଷ୍ମା ମେଣ୍ଟାଇ ,
ଆଷାଢ ଆସିବ ବରଷା ନେଇ ।
ବିଜୁଳି ମେଖଳା ପାଦରେ ନାଇ ,
ଭରି ନଈନାଳ ଉଦ୍ଦାମ ହୋଇ ,
ଜ୍ୟେଷ୍ଠକୁ ଶୁଭ ବିଦାୟ ଦେଇ ,
ଆଷାଢ ଆସିବ ବରଷା ନେଇ ।
ଚାରୁଶୋଭା ମୃଦୁ ମହ୍ଲାର ନେଇ ,
ଶୁଶୋଭିତ କରିଯିବ ସେ ଧାଇଁ ,
ଧରିତ୍ରୀ ଉଠିବ ଉନ୍ମତ ହୋଇ ,
ଆଷାଢ ଆସିବ ବରଷା ନେଇ ।
ପ୍ରିୟା ତନୁମନକୁ ଧୋଇଦେଇ ,
ଇନ୍ଦ୍ରଧନୁର ରଙ୍ଗେ ସଜାଇ ,
ଅଙ୍ଗନେ ବିଜୁଳି ମାଳାକୁ ନେଇ ,
ଆଷାଢ ଆସିବ ବରଷା ନେଇ ।