ରାଜନୀତି
ରାଜନୀତି
ଯେଉଁଠି ଦେବତା
ରାଜନୀତିରୁ ବର୍ତ୍ତିବାକୁ
ଡାକୁଛନ୍ତି ତ୍ରାହି ତ୍ରାହି ଚିତ୍କାର !
ରେ ମନୁଆ ,
ତୁ ସେଠି ମଣିଷର କଥା କହୁ
ହୁଏତ ବଞ୍ଚିଯିବୁ
ନେଇଯା ଗୋଟାଏ ଦଳର ଦିକ୍ଷା
ପୋତି ଦେ ଦାଣ୍ଡ ଦୁଆରରେ
ଖଣ୍ଡେ ରାଜନୈତିକ ଦଳର ଧ୍ଵଜା ।
ଲୋଡା ନାହିଁ ଧରିବାର ଜାତୀୟ ପତାକା
ସେଥିରୁ ବା କି ଲାଭ ମିଳିବ
ଧରିଥା ପଲିଟିକାଲ ବାନା ;
ଘର ଥାଇ ମିଳିବ ପକ୍କାଘର
ଯୁବାକାଳେ ବାର୍ଦ୍ଧକ୍ୟର ଭତ୍ତା
ତୋ ସଧବା ପତ୍ନୀକୁ ବିଧବା ଭାତିଆ
ନିର୍ବାଚନ ବେଳେ ମାଗଣା ପାରଣା ।
ନୋହିଲେ ,
ଚାହିଁଥିବୁ ଆଖିଖୋଲି
ଆଖିଆଗେ ସବୁ ଲୁଟିନେବେ
ଦେବତାକୁ ଚଣ୍ଡ ଦେବାଭଳି
ଅବଶିଷ୍ଠ କାଣ୍ଟି କୁଣ୍ଟି ବାଣ୍ଟି
ତୋ ପାଇଁ ଥୋଇବେ ।
ଶାରଦା ପ୍ରସାଦ ପରିଡା
ଅଧ୍ୟାପକ, ମେକାନିକାଲ ଇଂଜିନିୟରିଗଂ,
କୋଣାର୍କ ବିଜ୍ଞାନ ଏବଂ ବୈଷୟିକ ମହାବିଦ୍ୟାଳୟ ଜଟଣୀ , ଖୋର୍ଦ୍ଧା