ବେଦନା ଯା' କର ଊଣା
ବେଦନା ଯା' କର ଊଣା
ଚାହିଁଦେଖ ଆଜି ହେ ଉତ୍କଳମଣି
ସରଗ ରାଇଜେ ଥାଇ ,
ଏବେବି ତୁମକୁ ଲୋଡ଼ୁଛି ପ୍ରଦେଶ
ତା' ହିତ ସାଧନ ପାଇଁ ।
ହେ ମାର୍ଗଦର୍ଶକ ଆସିବକି ଥରେ
ପୁଣି ଏଥି ଅବତରି ,
ଦୁଃଖୀ ଜନତାର ଲୁହ ପୋଛିଦେଇ
ଓଠେ ଦେବ ହସ ଭରି ।
ତୁମ ଆଶ୍ୱାସନା, ସମବେଦନା ଓ
ପରଶରେ ଯେଉଁ ଶକ୍ତି ,
ପାଇବା ଲୋକ ତା' ଅନୁଭବି ଅଛି
ଆହେ କରୁଣାର ମୂର୍ତ୍ତି ।
ଚାହିଁ ରହି ତୁମ ଫେରିବା ବାଟକୁ
କାନ୍ଦୁଛି ଦୁଃଖିନୀ ମାଆ ,
ଆଉ ଥରେ ଆସି ତା' ସୁଖ-ଦୁଃଖରେ
ହୁଅ ହେ ଦେବତା ସାହା ।
ପୋଛିଦେଇ ତା'ର ନୟନରୁ ଲୁହ
ବେଦନା ଯା' କର ଊଣା ,
ସମଗ୍ର ଦେଶରେ ଉତ୍ତମ ପ୍ରଦେଶ
ଭାବେ ହେଉ ସିଏ ଗଣା ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।