ଆସିବ କି ଥରେ
ଆସିବ କି ଥରେ
1 min
1.8K
ଆସିବ କି ଥରେ ହେ ଶାନ୍ତ ଶ୍ରାବଣ
ନେଇ ତୁମ ବାରି ଧାରା
କଳା ବଉଦରେ ଆକାଶ ସଜାଇ
ଲମ୍ବାଇ ବିଜୁର ମାଳା ॥
ଅଷ୍ଟ ମାସ ତପ୍ତ ଦେଇ ଦିବାକର
ତତାଇ ଅଛନ୍ତି ଧରା
ହୋଇଛି ଶ୍ରୀହୀନ ଏହି ଧରାଧାମ
ଲୋଡ଼ା ତୁମ ବାରି ଧାରା ॥
ବୃକ୍ଷ ରାଜି ସବୁ ଗଲେଣି ତ ଶୁଖି
ଆଜି ତ କଙ୍କାଳ ପରା
ପାଣି ଟୋପେ ପାଇଁ କେତେ ଯେ ସଂଘର୍ଷ
ତୁମେ ହିଁ ସାହା ଭରସା ॥
ଫେରେଇ ଦେବ କି ଏ ଧରାର ଶୀରି
ଦେବ କି ଜୀବନ ନୂଆ
ପିନ୍ଧାଇ ଦିଅ ହେ ସବୁଜର ପାଟ
ଫୁଟାଇ ମଲ୍ଲୀ ଦହନା ॥
ଚାଷୀ ମୁଖେ ହସ ଖେଳାଇ ଦିଅ ହେ
ଧରା ହେଉ ସୁଶୋଭିତା
ଭିଜିବାକୁ ତୁମ ଶୁଭ୍ର ଝରିରେ
ଏ ମନ ଆଜି ଅଧୀରା ॥
ପାଟି ଖୋଲି ମାଟି ଚାହିଁଛି ତୁମକୁ
ମେଣ୍ଟାଇବାକୁ ତା ତୃଷ୍ଣା
ଶୈଳ ଶୀଖରେ ଚାହିଁଅଛି ଶିଖୀ
ଡେରି ଆଉ ହେ କରନା ॥