ଅନାମ
ଅନାମ
1 min
6.7K
ଅନାମ ! ମୋତେ ପାଗଳ କର
ଅଡାଳକୁ ଧରି ବିଡାଳ ହେଉଛି
ଅଭକ୍ତିରେ ସଦା ଭାବ ବିହାର
ଅନାମ ! ମୋତେ ପାଗଳ କର ।
ଅନିତ୍ୟରେ ନିତ୍ୟ ଖୋଜୁଛି ସତ୍ୟ
ଅବାସରେ ନିତି ବାସର ତୋଳୁଛି
ଅପ୍ରେମରେ ସଦା ଭାବ ବିହାର
ଅନାମ ! ମୋତେ ପାଗଳ କର ।
ଅରଣା ମଇଁଷି ଅରମା ବଣେ
ଅହର୍ନିଶି ଘୁରି ବଣା ହେଉ ଅଛି
ଅସଂଖ୍ୟକୁ ଗଣେ ସେ ନିରନ୍ତର
ଅନାମ ! ମୋତେ ପାଗଳ କର ।
ଅଜନ୍ମାର ଜନ୍ମ ଜାତକ ନାହିଁ
ଅମାପ ବଅସ ମାପ ହେଉଅଛି
ଅସୀମର ସୀମା ହେବ ବାହାର
ଅନାମ ! ମୋତେ ପାଗଳ କର ।
ଅଶେଷେ ଆକର୍ଷି ଦିବସ ନିଶି
ଅଜପା ଜପକୁ କଷି ଧରି ଅଛି
ଅକର୍ମାର କର୍ମ ଭାବ ସଂଚାର
ଅନାମ ! ମୋତେ ପାଗଳ କର ।
ଶ୍ରଦ୍ଧା ର ସହ
ଭକ୍ତ ଚରଣ ମଲ୍ଲ ।