ଆ ଜହ୍ନମାମୁଁ ସରଗ ଶଶୀ
ଆ ଜହ୍ନମାମୁଁ ସରଗ ଶଶୀ
1 min
1.2K
ଆ ଜହ୍ନମାମୁଁ ସରଗ ଶଶୀ
ସେଇ ଦୂର ରାଇଜରୁ ଦେ' ତୁ ହସି ।
ମୋ ରୁନି ଆଜି ଆଉ ଖୋଜୁନି ତୋତେ
ଏ ମୋବାଇଲି କିମିଆ କଲା ଯେ ସତେ ।
ଋଷିବୁନି ତୋତେ ଖୋଜୁନି ବୋଲି
ଟିକେ ବାଇଆ ସେ ଭାରି ଚଗଲି ।
ମୋ ନାନାବାୟା ଆଉ ଶୁଣୁନି ସିଏ
ସେଇ ମୋବାଇଲି ଧରି ମୋ ସୁନା ଶୋଏ ।
ଜହ୍ନ ଲୋ ରାଗେନା ସେ ବୁଝିବ କାଲି
କେତେ ଭଲପାଏ ତା' ମାମୁଁ ବୋଲି ।
ଭାବୁଛି ଆଜି ମୁଁ ତୋ କଥା ବସି
କାହିଁ ପହଞ୍ଚିଲା ଏ ଯୁଗ ଆସି ।
ଆ ଜହ୍ନମାମୁଁ ସରଗ ଶଶୀ
ସେଇ ପରୀ ରାଇଜରୁ ଦେ' ତୁ ହସି ।।