ଦେବଦୂତ
ଦେବଦୂତ
ଓଡିଶା ମାଟିର ସୁଯୋଗ୍ୟ ସନ୍ତାନ
ଆମ ପ୍ରିୟ ମୁଖ୍ୟମନ୍ତ୍ରୀ
ଆମରି ରାଜ୍ୟରୁ ଅନ୍ୟ ରାଜ୍ୟକୁ ସେ
ଅମ୍ଳଜାନ ଦେଲେ ବାଣ୍ଟି ।
ସଦା ସର୍ବଦା ସେ ସଙ୍କଟ କାଳରେ
କରିଛନ୍ତି ସହାୟତା
ତାଙ୍କ ପାଇଁ ଆଜି ଓଡିଶା ଗର୍ବିତ
ସିଏତ ଜଗତେ ଜିତା ।
ସଭିଙ୍କ ପାଇଁ ସେ ଉଦ୍ଧାରଣ ହୋଇ
ହୃଦୟେ ରହିଲେ ବନ୍ଧା
ତାଙ୍କରି କର୍ମକୁ ସାବାସ୍ ଜଣାଇ
ଖୁସି ହେଲେ ତୁଙ୍ଗ ନେତା ।
ପ୍ରଶଂସାର ଶ୍ରେୟ ଆମରି ନବୀନ
ତାଙ୍କ ପାଇଁ ଆମ୍ଭେ ଧନ୍ୟ
ତାଙ୍କ ଅନୁଦାନ ଖୋଲିଲା ନୟନ
ସଭିଙ୍କ ଠାରୁ ସେ ଭିନ୍ନ ।
ରାତି ଦିନ ଯାନ ଚଳାଇ ନେଲେ ସେ
କଲେ ନାହିଁ ପ୍ରତିବାଦ
ତାଙ୍କ ସାହାସିକତା ଦେଖି ସମାଜ
ଜଣାଉଛି ଧନ୍ୟବାଦ ।
ନଖାଇ ,ନଶୋଇ ଓଡିଶା ରାଜ୍ୟରୁ
ବାହାରିଲେ ଦେବଦୂତ
ଚବିଶି ଘଣ୍ଟାରେ ଶୀର୍ଷକ ଛୁଇଁଲେ
ଝୁରୁଛି ତାଙ୍କୁ ଜଗତ ।
ଏଗାର ଶହ ଅଶୀ କୋଷ ପଥକୁ
ହସି,ହସି କଲେ ପରି
ଦୁଃଖର ବେଦନା ମନରେ ଚାପିସେ
ଅମ୍ଳଜାନ ଦେଲେ ଭରି ।
ଶହ ,ଶହ ଜନ ଜୀବନ ବଞ୍ଚାଇ
ପାଲଟିଲେ ଉଦ୍ଧାରଣ
ତାଙ୍କରି ସାହସ ତାଙ୍କ ବୁଦ୍ଧି ବଳ
ଦେଖିଲେ ଏ ଜନଗଣ ।