ଅଜା ଆଈଙ୍କ କଳି

ଅଜା କହିଲେ ଆଈଙ୍କୁ

ସମ୍ଭାଳ ଏବେ ନାତୁଣୀକୁ

ଆଈ କହିଲେ ଅଜାଙ୍କୁ

ସମ୍ଭାଳ ତୁମ ନାତିକୁ

ଆଈ କହିଲେ ଅଜାକୁ-

ପାଠ ନ ପଢି କଳି କରୁଛି

ଖାଲି ବୁଲି ଖେଳ ଖେଳୁଛି

ଅଜା କହିଲେ ଆଈକୁ-

ପୋଖରୀ ତୁଠରେ ବସି ହଳଦୀ ମାଖୁଛି

ଘଣ୍ଟା ଘଣ୍ଟା ଧରି ଆଇନାରେ ମୁହଁ ଦେଖୁଛି

ଆଈ କହିଲେ ଅଜାକୁ-

କ୍ଷୀର ବସା ଦହି ଲୁଚେଇ ଖାଉଛି

ଫୁସି ବିରାଡ଼ି ନା ରେ ମିଛ ଗାଉଛି

ଅଜା କହିଲେ ଆଈକୁ-

ନାତୁଣୀ ମୋର ବହି ଧରି ଛବି ଦେଖୁଛି

ପାୱାର କଟ ହୋଇ ଗଲେ ଶୋଇ ଯାଉଛି

ଆଈ କହିଲେ ଅଜାକୁ-

ସାନ୍ଧ୍ୟ ହେଲେ ନାତିର ମୁଣ୍ଡ ବିନ୍ଧୁଛି।

ଲୁଚି ଲୁଚି ଟିଭିରୁ କାଟୁନ ଚାନେଲ ଦେଖୁଛି।

ଅଜା ଆଈଙ୍କ ଶେଷ ହୋଇଲା କଳି

ନାତି ନାତୁଣୀ ବନ୍ଦ କଲେ ମାରିବା ତାଳି।

ପ୍ରକାଶ ସାହୁ