ନ ପରଖି ଖୁସି ହେବି
ନ ପରଖି ଖୁସି ହେବି
ନ ପରଖି ଖୁସି ହେବି
ଆଭାକାନ୍ତ ମହାନ୍ତି
ନ ପରଖି ଖୁସି ହେବି
ଛଳନାରେ ହେଉ ପଛେ
ମୋତେ ଟିକେ ଭଲପାଇବ କି ?
ଅନ୍ତତଃରେ ସେ ଲହରେ
ଲେଖିଯିବି ସବୁକିଛି
ଯାହା ଅଛି ଏ ଜୀବନେ ବାକି । ୦ ।
ଉଡ଼ାଇବି ହିମାଳୟେ ଜୟର ଚିରାଳ
ମାପିଯିବି ସାଗରର ଅତଳ ଭୂତଳ
ତାରା ତୋଳି ଗୁନ୍ଥିଦେବି ମୁଁ ଗଜରା ମାଳ
ହରିବି ଜହ୍ନର ମନୁ ପାକ୍ଷିକ ବିକଳ
ଅପବାଦ ବିନା ଏକ
ଗଢ଼ିବି ନବ କୋଣାର୍କ
ପାଇ ତୁମ ପ୍ରେମ ଝକମକି । ୧ ।
ଭାଙ୍ଗିଦେବି ହୃଦୟର ଯେତେ ନିରବତା
କହିଯିବି ଅସୁମାରି ସପନର କଥା
ଭୋଗିଯିବି ଜୀବନରେ ସବୁ ବାସ୍ତବତା
ଲେଖିଦେବି ପ୍ରାଣଭରା ଉଚ୍ଛ୍ୱାସ କବିତା
ତୁମ ଭଲ ପାଇବାକୁ
ଚିତା ଯାକେ ଯିବି ନେଇ
ତୁମେ ଆଗୋ ମନା କରିବ କି ? । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****