ଛାଡ଼ ! ଏ ଜାତି ତୋ ରକ୍ତଚରିତ
ଛାଡ଼ ! ଏ ଜାତି ତୋ ରକ୍ତଚରିତ
ଜାତି- ତୁ କେବେଠୁ ଆସିଲୁ,
ଆମ ମଧ୍ୟକୁ ଜାଣେନା ମୁଁ ତୋ ପରିଚୟ,
ମତେ ଯଦି ତୁ ମାଗିବୁ
ତୋ ପରିଚୟ
ମୁଁ କହିବ ତୁ ଯାହା ଅତି ନିଶ୍ଚିତ,
ନିର୍ମମ ଭାବେ ଆମୁକୁ ବାଣ୍ଟିଲୁ ,
ତୋ ପଶା କାଠିରେ ଖେଳିଲୁ,
ଖେଳୁଛୁ ବି ଏ ଯାବତ,
ତତେ ନେଇ ଚାଲିଛି
ଆଜିର ରାଜନୀତିର ମାପଦଣ୍ଡ ।
ଆଉ
ରକ୍ତ ଚରିତ ଖାଲି ରକ୍ତ ଚରିତ
ଘରେ, ଦାଣ୍ଡେ, ସୀମାନ୍ତେ,
ଦିନ, ସନ୍ଧ୍ୟା, ରାତି, ମାସ, ବର୍ଷ,
ଆବାଳ ବୃଦ୍ଧା,ବନିତା,
ବସ୍ତି,ଗାଁ, ସହର,ରାଜ୍ୟ,ଦେଶ
କେହି ପଡି ନାହାନ୍ତି ବାଦ
ସମସ୍ତଙ୍କୁ ଭାଙ୍ଗିଲୁ ,
ଭାଙ୍ଗି ଚାଲିଛୁ,
ବୋଧେ ଚାଲି ଥିବୁ
ଆଉ କେତେ ଦିନ । (୧)
ଆଜିର ଯୁବ ପ୍ରାଣ
ମୁଁ କିନ୍ତୁ ଭିନ୍ନ
ଯଦି ଅପଣେଇ ଚାଲିବି,
ହିନ୍ଦୁ, ମୁସଲିମ, କାୟସ୍ତ, ବୌଦ୍ଧ
ସବୁ ଧର୍ମର ମୁଳ ମନ୍ତ୍ର,
ସତ୍ୟ, ଅହିଂସା, ଆଉ ପ୍ରେମ, କରୁଣା,କ୍ଷମା, କଣ ?
ମତେ ହତ୍ୟା କରିବୁ
ଆଉ ଲେଖିବୁ
ଆଉ ଏକ ରକ୍ତ ଚରିତ
ଯୁପ କାଠରେ
ମୋ ରକ୍ତ କହିବ ତମକୁ
ବଞ୍ଚିବାକୁ ଚାହେଁ
ମତେ ବଞ୍ଚିବାକୁ ଦିଅ
ଏ ରୂଢ ଜାତିଆଣଭାବ
'ଛାଡ ! ଏ ଜାତି! ତୋ ରକ୍ତଚରିତ।