ସେଦିନର ତୁମ ହସର ଫୁଆରେ
ସେଦିନର ତୁମ ହସର ଫୁଆରେ
1 min
1.2K
ସେଦିନର ତୁମ ହସର ଫୁଆରେ
ଆଭାକାନ୍ତ ମହାନ୍ତି
ସେଦିନର ତୁମ ହସର ଫୁଆରେ
ମୋ ହୃଦେ ମଳୟ ବହିଥିଲା
ଆଜି କେ' କହିଲେ ତୁମ ହସ କଥା
ଭାବେ ମୁଁ ସେଦିନ କାହିଁ ଗଲା ? । ୦ ।
ମଳୟ ଭୁଲିଛି ଆମ ଗାଆଁ ବାଟ
ଫଗୁଣ ଛୁଉଁନି ଆମ ଗାଆଁ ପାଟ
ଅବସୋସେ ଭରା ମୋ ହୃଦୟ-ମଠ
ପ୍ରେମରେ ହେବାରୁ ମୁଁ ଘାଇଲା । ୧ ।
ତୁମେ ତ ବସନ୍ତେ ବାନ୍ଧିଛ କାନିରେ
ଫଗୁଣେ ରଖିଛ କି ମନମାନିରେ
ଚିନ୍ତିନାହଁ କେବେ କାହାର ହାନିରେ
ଚିନ୍ତନେ କେ' ହୃଦ ଦେଇଥିଲା । ୨ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****