ସଜଡ଼ା ନଈର ଉଜୁଡା ତୁଠ

ସଜଡ଼ା ନଈର ଉଜୁଡା ତୁଠ ମୁଁ

ଉଜାଣି ସୁଅରେ ଯାଇଛି ହଜି

ଦରଦୀ ନାଉରି ଉଦାସ ଓଠରୁ

ଚେନାଏ ମଧୁର ସପନ ଖୋଜି ।

ଅଜଣା ଭଉଁରୀ ଅଦେଖା ଅନ୍ଧାରେ

ହଜିଛି ମରମ ,ଜଳନ୍ତା ଜୁଇ

ଅଲୋଡ଼ା ଲହରୀ ଅପୋଡା ଭୂଇଁରେ

ମଜିଛି ମରମେ ବଞ୍ଚନା ନେଇ

ମମତା ପ୍ରଦୀପ ଲିଭି ଯେ ଯାଇଛି

କାଳ ବଇଶାଖୀ ସୋହାଗେ ଭିଜି।

ମଉନେ ମରିଛି ଉପାସୀ ମରମ

ନିରବେ ଝୁରିଛି ଖିଆଲୀ ଆଖି

ଅକୂଳେସରିଛି ଆଶା ଅଭିସାର

ସାକ୍ଷୀ ଯା ରଖିଛି ପରାଣ ପକ୍ଷୀ

ଆଉ କି ବା ଅଛି ବାକି କହ ବନ୍ଧୁ

ଆଗାମୀ ପାଇଁ କି ବସିବି ସାଜି ।