ବ୍ୟବହାର
ବ୍ୟବହାର
ସଂସାରରେ ସଦା ବ୍ୟଵହାରେ ବନ୍ଧା ରହିଥାଏ ମନୁଷ୍ୟତା
ଧୈର୍ଯ୍ୟସ୍ନାତା ହେଲେ ବ୍ୟବହାର ହେଳେ ଘୋଳଇ ଗାଢ଼ ଶତ୍ରୁତା ।
ସ୍ନେହ ଆଉ ଭକ୍ତି ବ୍ୟବହାର ଶକ୍ତି ମାନବତାର ମେଖଳା
ସଞ୍ଚି ବର୍ଷ ବର୍ଷ ରଚଇ ଆଦର୍ଶ ମଧୁରତା ହେଲେ ଘୋଳା ।
ବ୍ୟବହାର ଦୁଇ ପର୍ଯ୍ୟାୟକୁ ନେଇ ସରବଦା ବଣ୍ଟା ହୁଏ
ପ୍ରଥମ ମନୁଷ୍ୟୋଚିତ୍ତ ଅନ୍ୟ ଅଂଶ ସଂସାରୋଚିତ୍ତ ବୋଲାଏ ।
ମନୁଷ୍ୟୋଚିତ୍ତର ବଳେ ବ୍ୟବହାର କରେ ମାନବତା ପୁଷ୍ଟ
ପାଏ ଆତ୍ମଶାନ୍ତି କର୍ମେ ରତି ରତି ମଜ୍ଜି ସଦା ରୁହେ ହୃଷ୍ଟ ।
ସଂସାରୋଚିତ୍ତରେ ବ୍ୟବହାର ଧରେ ଯଶ, ଗୁଣ, ପଉରୁଷ
ଅଥବା ବନ୍ଦିତ ନ ହୋଇ ନିନ୍ଦିତ ହୋଇ ରଚେ ଇତିହାସ ।
ସର୍ବୋପରି ଏଇ ବ୍ୟବହାର ହୋଇ ପାରିଲେ ଅମୃତମୟ
ଯୁଗାନ୍ତ ପାଇଁକି ରଖିଯାଏ ଭାଇ ମାନବତା ପରିଚୟ ।