ଭାବନାରେ ଆସୁଛ ତୁମେ..

ଭାବୁଛି ଭାବୁକ ସାଜି

କାଳେ ତୁମେ ଭାବନାରେ ଆସିବ

ବସନ୍ତର ବାସନ୍ତି ସାଜି ନା

ଫଗୁଣର ଫଗୁ ରଙ୍ଗରେ ଭିଜି ଆସିବ ।

ତୁମେ ଆସିବ ବୋଲି

ଫଲାସ ଫୁଲରେ ହାରଟେ କରିଛି

ଆଜି ବି ତୁମରି ଗୋଲାପକୁ

ଯତନେ ସାଇତି ସଜେଇ ରଖିଛି ।

ଚାତକ ସାଜି ଅନେଇ ବସିଛି

କେବେ ତୁମେ ଆସିବ ବୋଲି

ଫଗୁଣେ ଯଦି ଆସନ୍ତ

ଫଗୁରଙ୍ଗ ଦିଆନ୍ତି ଦେହସାରା ଢାଲି ।

ସତରେ ଆସୁନ ଭାବନାରେ

ଆସୁଛ ମିଛେଇ ପ୍ରଜାପତି ସାଜି

ସେ ଭାବନାରେ ଭାସି

ଶବ୍ଦରେ ତୁମକୁ ସଜେଇଛି ଆଜି ।

ଡିସମ୍ୱର ମେହେର

ଗଣ୍ତାବାହାଲି ନୂଆପଡା