Audio

Forum

Read

Contests

Language


Write

Sign in
Wohoo!,
Dear user,
ଚପଲ ଓ ବାପା
ଚପଲ ଓ ବାପା
★★★★★

© Diptimayee Biswal

Inspirational

1 Minutes   7.0K    8


Content Ranking

ଚପଲ......

ପେଟିରୁ ବାହାରି ପାଦ ଛୁଉଁ ଛୁଉଁ

କାମରେ ଲାଗିପଡେ

ଘୋରି ହେବାଯାଏ ।

ଇଚ୍ଛା ଅନିଚ୍ଛା ବୋଲି କିଛି ଶବ୍ଦ

ତା' ଅଭିଧାନରେ ନ ଥାଏ ।

ସେ ହିଁ କହିପାରିବ ଘୋରି ହେବାର ଆନନ୍ଦ ,

ସେ ହିଁ ବୁଝେଇ ପାରିବ

ପାଦ ସହ ପାଦ ହେବାର ସାର୍ଥକତା ।

ସିଂହାସନର ମୋହ କେବେ

କାବୁ କରିପାରେନା ତା'କୁ,

ସେ ଜାଣେ ସେସବୁ ଭାଗ୍ୟର କଥା ।

ସୁଖଦୁଃଖର ଉର୍ଦ୍ଧ୍ବରେ ସେ ସିଦ୍ଧ ସନ୍ନ୍ୟାସୀ ।

କଣ୍ଟାଝଣ୍ଟା,ଫୁଲ,ପଥର ,ମନ୍ଦିର, ମଶାଣୀରେ

ଫରକ ବାରିବାରେ ଚିର ଉଦାସୀ ।

ଗୋଇଠି ତଳ କଣା ହେଇଯାଉ,

ସେଫ୍ଟିପିନ୍ ରେ ଅଟକି ଥାଉ ଆୟୁଷ,

ମୋଚିର ହାଡୁଆ ହାତରେ

ବଢୁଥାଉ ବୟସ ,

ସେଥିକୁ ନଜର ଦବାକୁ ବେଳ କାଇଁ !

ଅଳିଆଗଦାକୁ ନ ଯିବା ଯାଏ

ଘୋଷାଡି ହେଉଥାଏ

ଦୁଇଟି ପାଦର କବଚ ହୋଇ ।

ଠିକ୍ ତା'ରି ପରି ବାପାଟିଏ

ଘୋରି ହେଉଥାଏ ସାରା ଜୀବନ

ତା' କାନ୍ଧରେ ବସା ବାନ୍ଧିଥିବା ଜୀବନ ପାଇଁ ।

ଦୁଃଖ ବୁଜୁଳା ପିଠିରେ ପକେଇ

ସାଉଁଟୁଥାଏ ଖୁସୀର ଗଙ୍ଗଶିଉଳୀ ,

ରାତି ଦିନ ମାତିଥାଏ ତାଳଗଛ ଅଗରେ

ଝୁଲେଇଦବାକୁ ନିଦକ ନୀଡ଼ଟିଏ ,

ଭୁଲିଯାଇଥାଏ......

ନିଜର ବି ଜୀବନଟିଏ ଅଛି ।

ବୟସ ଗଡିଯାଏ ଆଗକୁ,

ସ୍ବପ୍ନମାନେ ରଙ୍ଗୀନ୍ ଡେଣା ନେଇ

ଉଡାଣ ଭରନ୍ତି ଆକାଶରେ ।

ହେଲେ ସେ......!

ଶେଷଯାଏ ସେମିତି ଘୋଷାଡି ହେଉଥାଏ

ନିର୍ବିକାର ଚିତ୍ତରେ,

ତା' ପୋଷା ପାଦମାନଙ୍କର

ମଙ୍ଗଳ ମନାସରେ ।।

ପାଦ ଚପଲ ବାପା

Rate the content


Originality
Flow
Language
Cover design

Comments

Post


Some text some message..