ତୋ ସାଥେ ବନ୍ଧା ମୋ ଜୀବନ ଡୋରି
ତୋ ସାଥେ ବନ୍ଧା ମୋ ଜୀବନ ଡୋରି
ଫୁଲ ସାଥେ ଖେଳେ ଫୁଲେଇ ରାଣୀ ମୋ
କଥା କୁହା ସୁନା କଣ୍ଢେଇ
ହୃଦୟଟା ମୋର ଚହଲି ଯାଉଛି
ଦେଲେ ଥରେ ମୋତେ ଅନେଇ ।
ହୃଦୟ ଦ୍ବାରେ ସେ ହାତ ଠାରି ଡାକେ
ଆଖି କରି ମିଟି ମିଟି
ସଞ୍ଜ ନଇ ଆସେ ଗୋଧୁଳି ଲଗନେ
ଲେଖିଲେ ସେ ପ୍ରେମ ଚିଠି ।
ସେ ଚିଠିରେ ଲେଖା ପ୍ରତ୍ୟକ ଅକ୍ଷର
ଛୁଇଁ ହୃଦୟକୁ ମୋର
ଫେରିଯାଏ ପୁଣି ମୋ ପ୍ରିୟା ପାଖକୁ
ଦେଇ ବାରତାକୁ ତାର ।
ପାଇ ତା’ ବାରତା ଯାଉଥାଏ ଧାଇଁ
ଆମ ଗାଁ ନଈ କୂଳକୁ
ଆମରି ମିଳନ ଦେଖେ ରୂପା ଜହ୍ନ
ଆକାଶରେ ଥାଇ ଆମକୁ ।