ଜୀବନ ସୋପାନ
ଜୀବନ ସୋପାନ
1 min
306
ଜୀବନ ସୋପାନ କ୍ଷଣେ ହେବ ପୂର୍ଣ୍ଣ
ଜନ୍ମ ମୃତ୍ୟୁ ଚିର ସତ୍ୟ
ଶିଶୁରୁ କୈଶୋର ଯୁବକ ସ୍ଥବିର
ଗଡି ଚାଲିଅଛି ନିତ୍ୟ ।
ସମୟର ରଥେ ନିମ୍ନଗାର ସ୍ରୋତେ
ସର୍ବେ ହେବେ ଗତିଶୀଳ
ଆଜି ଯେ ରାଜେନ୍ଦ୍ର କାଲି ସେ ଫକୀର
ସବଳ ହେବ ଦୁର୍ବଳ ।
ମିଥ୍ୟା ଅହଂକାର ଅସୂୟାର ଘର
କରୁ କାହିଁ ପାଇଁ ମନ
ସମର୍ପିତ କର ଅଵୟବ ତୋର
ଅନ୍ତରରେ କରି ଧ୍ୟାନ ।
କେ ନୁହେଁ କାହାର ସର୍ବେ ହେବେ ପର
ଏକା ସାହା ଜଗନ୍ନାଥ
ରଖିଲେ ରଖିବେ ମାରିଲେ ତାରିବେ
ଏହାହିଁ ପରମ ସତ୍ୟ ।