ଖୁଦୁରୁକୁଣୀ
ଖୁଦୁରୁକୁଣୀ
(@ଶ୍ରୀମତୀ ଜ୍ୟୋତ୍ସ୍ନା ପୃଷ୍ଟି ,ସୌଭାଗ୍ୟ ନଗର ,ଭୁବନେଶ୍ବର )
**💐🙏😊**
😊🌹🍃🌷🍂🌹😊
(@ Jyotsna prusty , BBSR)
ଖିଲିଖିଲି ହସେ ଫୁଟା କନିଅର ,
ହଳଦୀରେ ଗୁରୁଗୁରୁ ।
ସବୁଜ ପତର ପାଟଶାଢ଼ୀ ତା'ର ,
କାନି ଉଡ଼େ ଫୁରୁଫୁରୁ ।।(୧)
🌷🌾🌷🌾🌷🌾🌷
ଭାଦ୍ରବ ମାସରେ ତଅପୋଇ ଓଷା ,
ଖୁଦ ରଙ୍କୁଣୀ ସେ ମାଆ ।
ସ୍ନେହ ଶରଧାର ପବିତ୍ରତେ ବସା ,
ଆସେନା ବତାସ ବାଆ ।।(୨)
🍃🍂🍃🍂🍃🍂🍃
ଫୁଲ ଚାଙ୍ଗୁଡିରେ ନାନା ଜାତି ଫୁଲ ,
ସଭିଙ୍କୁ ଏକାଠି କରି ।
ସୁକୁମାରୀ କନ୍ୟା ଗୁନ୍ଥିଲେ ଗଜରା ,
ଖୁସି ତୃପ୍ତି ନେଲେ ଭରି ।।(୩)
🌿🌼🌿🌼🌿🌼🌿
ଝୋଟିଚିତା ପରା ଆସ୍ଥାନ ଉପରେ ,
ମାଆ ମଙ୍ଗଳା ଙ୍କ ସ୍ଥିତି ।
ସୁଗନ୍ଧା ଅଗୁର ଚନ୍ଦନ ସିନ୍ଦୁରେ ,
ବେଶକାନ୍ତି ରୀତିନୀତି ।।(୪)
🌲💫🌲💫🌲💫🌲
ରୋଷଣୀ ବାଇଦ ବଉଦ ବିଜୁଳି ,
ଘନଘନ ଘଟା ଦେଇ ।
ଆକାଶ ମାର୍ଗରୁ ଦେବାଦେବୀ ଚଳି ,
ଆସୁଥିବେ ଶୁଭ ନେଇ ।। (୫)
🌻🌳🌻🌳🌻🌳🌻
ଧରଣୀ କୋଳରେ ବୃକ୍ଷ ଜୀଵଯନ୍ତୁ ,
ପୁଲକ ବିନ୍ୟାସ ଶୋଭା ,
ଲେଖନୀରେ କବି ଢ଼ାଳି ଦେଲା କିଛି ,
ଚିତ୍ରକଥା ମନଲୋଭା ।।(୬)
🍁🍃🍁🍃🍁🍃🍁