Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Drama Fantasy

4.9  

ବି. ନିରୁପମା

Drama Fantasy

ଖୁଣିବ ବା ମୋତେ କିଏ !

ଖୁଣିବ ବା ମୋତେ କିଏ !

1 min
422



ମାଆ ମୋତେ ଏଇ ଶିଖିପୁଚ୍ଛ ଖୋସି

ସଜାଇ ଦେଉଛି ନିତି ,

କଳାରଙ୍ଗ ଯେହ୍ନେ ଝଲସି ଉଠିବ

ସୁନ୍ଦର ଦିଶିବ ଅତି ।


ଭାଇଙ୍କର ରଙ୍ଗ ଗୋରା ତକ ତକ

ସତେ କି ଲହୁଣୀ ମଖା ,

ସେଥିପାଇଁ ମାଆ ଏତେ ବେଶ କରେ

କାଳେ ପଡ଼ିଯିବି ଫିକା । 


ହାତେ ସୁନା ଖଡ଼ୁ,ମୁଦ୍ରିକା,ବାହୁଟି

କାନରେ କୁଣ୍ଡଳ ସାଜେ ,

କଟିରେ ମେଖଳା,ପାଦରେ ନୂପୁର

ରୁଣୁଝୁଣୁ କରି ବାଜେ ।


ଗଳାରେ ମୋହର ରତ୍ନହାର ଝୁଲେ

ଖଞ୍ଜାହୋଇଅଛି ମୋତି ,

କେଶ ବାନ୍ଧି ଦିଏ ଶିଖିପୁଚ୍ଛ ସହ

ସଜମଲ୍ଲୀ କଢ଼ି ନିତି ।


ପୀତ ବସନକୁ ପିନ୍ଧେଇ ଦେଇକି

ଗୋରୋଚନା ଚିତା ଦିଏ ,

ଯେ ଦେଖିବ ତା'ର ମନ ଲାଖିଯିବ

ଖୁଣିବ ବା ମୋତେ କିଏ !!


ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।


Rate this content
Log in