ରାମରାଜ୍ୟ ଗଢିବା
ରାମରାଜ୍ୟ ଗଢିବା
ଜ୍ଞାନାଲୋକ ଦିନେ ସାରା ବିଶ୍ବକୁ ଦେଇଥିଲା ଯେଉଁ ଦେଶ,
ଦୁର୍ଭାଗ୍ୟ ଦେଖ ସେଦେଶର ଆଜି ଆଖି ବୁଜି ପିଏ ବିଷ ।
ଦୁର୍ନୀତି ଆଜି ମହା ନୀତି ଏଠି ରାଜନୀତି ହୀନ ନୀତି,
ମଦ ରାକ୍ଷସ ବିକଟ ରାବରେ ଦେଶ କୋଡୁଅଛି ଛାତି ।
ଲାଞ୍ଚ ବ୍ୟଭିଚାର ମଦ ରାକ୍ଷସ ନାରୀ ଦେହ ଲୋଭା ପଶୁ,
ମାରଣ ଯଜ୍ଞ କରିବ ନିଶ୍ଚୟ ଏ ଦେଶ ଆଗାମୀ ଶିଶୁ ।
ଆଉ ଗୋଟେ ଜନ ବିପ୍ଳବ ଲୋଡା ଦେଶ ସଜାଡିବା ପାଇଁ,
ତୁ ତ ମୁତୁରୀ ମୁ ତ ମୁତୁରୀ ହେଂସ କାହିଁପାଇଁ ଧୋଇ !!
ଆଉ କେହି ଭଲ ହେଉ ବା ନ ହେଉ ନିଜେ ହେବା ଯଦି ଭଲ,
ଏକରେ ଏକ ଏଗାର ହୋଇବ ଦୃଢ ବିଶ୍ୱାସେ ଚାଲ ।
ନତୁବା ଟିକିଏ ସାହସ ଜୁଟାଇ ବିରୋଧ ଆରମ୍ଭ କର,
ଧୀରେ ଧୀରେ ଭିଡ ବଢିବ ନିର୍ଲ୍ଲଜ ଲୁଚିବେ ଆପଣା ଘର ।
ଗାନ୍ଧୀ ମହାତ୍ମାଙ୍କ ଶହୀଦ ଦିବସେ ଶପଥ ଏହା କରିବା,
ରାମ ରାଜ୍ୟ ସ୍ୱପ୍ନ ପୁରଣ ପାଇଁକି କମର ଆମ କସିବା ।
-ବିଶ୍ୱେଶ୍ଵର ମାଝୀ-