ଶୋଇଯାଏ ଯେବେ ଏ ସାରା ସହର
ଶୋଇଯାଏ ଯେବେ ଏ ସାରା ସହର
1 min
6.8K
ଶୋଇଯାଏ ଯେବେ ଏ ସାରା ସହର
ସ୍ଵପ୍ନର ଚାଦର ଘୋଡ଼େଇ
ଜଳଇ ମୋ ମନ ହୃଦୟ କାନନ
ଅଶ୍ରୁରେ ପଣତ ଭିଜଇ ।
ତୁମେ ମୋର ଧନ ଅମୂଲ୍ୟ ରତନ
ବୁଝେଇବି କେମିତି କୁହ
ପୁନେଇଁ ଜହ୍ନଟା ହସଇ ଗଗନେ
ମୋ ଛାତିରେ ଛାତିଏ କୋହ ।
ଭଲପାଅ ବୋଲି କହୁଥିଲ ଯେବେ
ସରମେ ଯାଉଥିଲି ମରି
ଦେଉଅଛ କାହିଁ ହୃଦୟେ ଯନ୍ତ୍ରଣା
ତିଳ ତିଳ କରି ମାରି ।
ଭୁଲିଗଲ ସାଥୀ ଆମରି ପୀରତି
ବିରହ ବାଣ ଯେ ବିନ୍ଧିଲ
ଦୂରେ ଚାଲିଯାଇ କି ଲାଭ ପାଇଲ
ଓଠରୁ ହସକୁ ହରିଲ ।
ତୁମ ବାଟ ଚାହିଁ ରହିଛି ଯେ ମୁହିଁ
ଫେରିବେ ଦିନେ ପ୍ରିୟବର
ମରୁରେ ଫୁଟିବ ଗୋଲାପ ମାଳତୀ
ସରିବ ଦିନ ବିରହର ।।
.. . . . . . ପଦ୍ମାଳୟା