ସ୍ୱୀକୃତି
ସ୍ୱୀକୃତି
ସ୍ୱୀକୃତି
ସ୍ୱୀକୃତି ମୁଁ ଦେଲି ଆଜି ସାଥି
ତୁମ ହୃଦୟର ଅବ୍ୟକ୍ତ ସ୍ପନ୍ଦନ ସହ
ମୋ ହୃଦୟକୁ ମିଶିବାକୁ
ପ୍ରୀତି ସଂଗୀତର
ସେଇ ସାତ ସୁରେ ଝୁମିବାକୁ ||
ସ୍ୱୀକୃତି ମୁଁ ଦେଲି ଆଜି ସାଥି
ତୁମ ସ୍ମୃତି ସବୁକୁ
ମୋ କୁଆଁରୀ ଦେହର
ରକ୍ତିମ ସ୍ୱର୍ଣ୍ଣରେ
ପବିତ୍ର ଗଙ୍ଗା ହୋଇ
ବୋହିବାକୁ ||
ସ୍ୱୀକୃତି ମୁଁ ଦେଲି ଆଜି ସାଥି
ତୁମ ଆତ୍ମାକୁ
ମୋ ଅନ୍ତଃକରଣ ତଳେ
ଦଗ୍ଧିଭୁତ ହେବାକୁ ||
ସ୍ୱୀକୃତି ମୁଁ ଦେଲି ଆଜି ସାଥି
ତୁମ କଣ୍ଠ ସ୍ଵରକୁ
ମୋ ଅପୂର୍ଣ୍ଣ ରଚିତ
ରାଗ ରାଗୀଣୀରେ
ଅନ୍ତିମ ସ୍ତୁତି ବନେଇବାକୁ ||
ସ୍ୱୀକୃତି ମୁଁ ଦେଲି ଆଜି ସାଥି
ମୋ ମନରେ ଥିବା
ବ୍ୟଥିତ ପୀଡା ସବୁକୁ
ତୁମ ଛୁଆଁ ଅଛୁଆଁ ଅନୁଭବରେ
ଦୂରେଇ ଦେବାକୁ ||
ସ୍ୱୀକୃତି ମୁଁ ଦେଉଛି ଆଜି ସାଥି
ମୋ ଜୀବନର ସର୍ବସ୍ୱ ଅର୍ପଣ କରି
ଏହି ପ୍ରୀତି ଭରା
ଅଭୁଲା କ୍ଷଣକୁ ||
ଅଜିତ୍ କୁମାର ମଲ୍ଲିକ୍