ଦହନ
ଦହନ
1 min
1.4K
ତୁମେ ଜଳୁଅଛ ମୁଁ ଯେ ଜଳୁଅଛି
ସେପାଇଁ ନାହିଁ ମୋ ଦୁଃଖ
କାହିଁକି ଅବା ମୁଁ ଦୁଃଖ ଯେ କରିବି
ସେହି ପରା ତୁମ ସୁଖ ।
ତୁମ ସୁଖ ପାଇଁ ଜଳିବାରେ ମୋର
ତିଳେ ହେଁ ଆପତ୍ତି ନାହିଁ
ସଳିତା ସାଜି ମୁଁ ଜାଳି ଚାଲୁଥିଵି
ତୁମ ସୁଖ ଶାନ୍ତି ପାଇଁ ।
ବିନା ଦହନରେ ଉଜ୍ଵଳତା ନାହିଁ
ସେ ପାଇଁ ଜାଳୁଛ ମୋତେ
ସେହି ଉଜ୍ଵଳତା ତୁମ ସ୍ୱଚ୍ଛଳତା
ଜଳାଅ ପାରୁଛ ଯେତେ ।
ନିଜ ଦହନରେ ବିଲୀନ ହୋଇ ମୁଁ
ତୁମକୁ ଆଲୋକ ଦେବି
ହେଲେ ତୁମ ପାଇଁ ପ୍ରଦୀପଟେ ସାଜି
ତୁମ ସୁଖ ଚାହୁଁଥିବି ।