ଏମିତି ମଣିଷ
ଏମିତି ମଣିଷ
1 min
207
ନିଜ ସାମର୍ଥ୍ୟରେ ଉପାର୍ଜନ କରି
ଆନନ୍ଦରେ ଚଳିଥାନ୍ତି
ମନଖୁସିରେ ଅତି ଆନନ୍ଦେ
ଗୀତଗାଇ ବୁଲୁଥାନ୍ତି l
ଧନ ନଥିଲେ ଚିନ୍ତା ତାଙ୍କ ନାହିଁ
ମନ ତାଙ୍କରି ବଳ
ସୁଖ ଦୁଃଖରେ ସଂସାରଟି କଟେ
ଭାଗ୍ୟର ସବୁ ଖେଳ l
ପ୍ରକୃତି ତାଣ୍ଡବ ସହ ଲଢ଼ୁଥାନ୍ତି
ଝାଟିମାଟି କୁଡ଼ିଆରେ
ଶିଶୁ ଭବିଷ୍ୟତ କଥା ଭାବୁଥାନ୍ତି
ନିଜ ମନ ଭିତରେ l
ସରକାରଙ୍କୁ ନେହୁରା ହୋଇ
ନିଜ ଦୁଃଖ କହୁଥାନ୍ତି
ଭାତ ଡାଲମା ନିତି ଖାଇକରି
ଆନନ୍ଦରେ ରହୁଥାନ୍ତି l