ରାଧାବିନା କୃଷ୍ଣ ଅଧା
ରାଧାବିନା କୃଷ୍ଣ ଅଧା
1 min
6.8K
ଏକୁଟିଆ ତୁମେ ବଇଁଶୀ ବଜେଇ
ଡାକୁଅଛ ରାଧା-ରାଧା ,
କେମିତି ଆସିବେ ରାଇ ବିନୋଦିନୀ
ତେଜି ଦୁନିଆର ବାଧା ।
ତାଙ୍କ ମନ ସାଥେ ତୁମରି ମନଟି
ପଡ଼ିଅଛି ପରା ବନ୍ଧା ,
ଦୁନିଆ ଆଗରେ ତୁମେ ଖାଣ୍ଟିସୁନା
ରାଧା ଲାଗି କିଆଁ ନିନ୍ଦା !
ହେ ମୋହନ ତୁମେ ଜାଣିନାହଁ କିବା
ରାଧାବିନା କୃଷ୍ଣ ଅଧା ,
ତଥାପି କେମିତି ଅପବାଦ ତାଙ୍କୁ
ଦିଏ ଗୋପପୁର ସଦା !
ଯେତେ ଯାହାହେଲେ ତୁମରି ନାମରେ
ରହିଛି ରାଧାଙ୍କ ଶ୍ରଦ୍ଧା ,
ତାଙ୍କ ନାମବିନା ତୁମ ବଇଁଶୀରୁ
ସୁର ଆସିବନି କଦା ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।