ମୁଁ ଅଭିଶପ୍ତ କି ?
ମୁଁ ଅଭିଶପ୍ତ କି ?
ଦୁଃଖ ତ ସବୁବେଳେ ଅଛି
ସୁଖ ଆସିବା କେବେ
ସୁଖ ତ ନିମିଷେ ହୁଏ ଶେଷ
ଦୁଃଖ ମାଡି ଆସେ ଯେବେ ।
କି ଭୁଲ ପାଇଁ
ଆଜି ଭୋଗୁଛି ଏ କଷ୍ଟ
କାହାର ତ
କରି ନି ମୁଁ ଅନିଷ୍ଟ ।
ମୋ ଦୁଃଖ ପାଇଁ
କିଏ ନାହିଁ ସାଥି
ସବୁ ଯନ୍ତ୍ରଣା ସହେ
ଏକା ମୁଁ ମଥାପାତି ।
ମନେ ସୃଷ୍ଟି ହୁଏ ଦ୍ୱନ୍ଦ
କାଳେ ମୁଁ ଅଭିଶପ୍ତ
ପୂର୍ବ ଜନ୍ମରେ କରିଛି କି ପାପ
ଆଜି ହୃଦୟ ହେଉଛି ରକ୍ତାକ୍ତ ।
କର୍ମ କରୁଛି କେତେ
ଫଳ ତ ମିଳୁନି
ଜୀବନ ବାଟରେ ଚାଲିଚାଲି
କଅଁଳ ପାଦ ଥକି ଗଲାଣି ।
କିଏ କହେନି ମତେ
ତୁ ମୋର ଆପଣାର
ଗାଁ ଶେଷ ବୁଢା ବରଗଛ
ସେ ହିଁ ମୋ ଆଶ୍ରୟ ଘର ।
କି ପାପ ପାଇଁ ଆଜି
ଦେବାକୁ ପଡୁଛି ପରୀକ୍ଷା
ହେ ମହାବାହୁ
କର ମତେ ରକ୍ଷା ।
ଡିସମ୍ବର ମେହେର
ଗଣ୍ଡାବାହାଲି ନୂଆପଡା