ତୁମ ପ୍ରତୀକ୍ଷାରେ

ତୁମେ ଆସିବ ଆସିବ ବୋଲି ତ,

ମୁଁ ରାତି ପରେ ରାତି କାଟୁଛି,

ଦିନ ଗଣିଗଣି ଚାଲିଛି ,

କେବେ ତୁମେ ଆସିବ?

ହେଲେ ତୁମେ ଆସିବ ଆସିବ କହି

ଏଯାଏଁ ଅସୁନ,

ଅଥଚ କହିଚାଲିଛ ସହରଟା ସାରା

ତୁମେ ନଆସିବା ଯାଏ ,

ଯନ୍ତ୍ରଣାରେ ଛଟପଟ ହେବି ମୁଁ

ତୁମେ ଆସିଲାପରେ ,

ଦୀପ ଜଳିବ, ଫୁଲ ଫୁଟିବ,

ଆଉ ମତେ ଯନ୍ତ୍ରଣାରୁ ମିଳିଯିବ ମୁକ୍ତି,

ତୁମକୁ କେବେ ଦେଖିନି ତ,

ସେଥିପାଇଁ ମନେମନେ ବହୁତ ଖୋଜୁଛି ତୁମକୁ,

ଖୋଜୁଛି ଦୀପର ମିଞ୍ଜିମିଞ୍ଜି ଆଲୁଅରେ,

ରୁମାଲରେ, ବହିରେ,ଖାତାରେ,

ଆଉ ପୁଣି ଖୋଜୁଛି ,

ଧପ ଧପ ଜଳୁଥିବା ମହମବତୀର ଆଲୁଅରେ,

କେବେ ଆସିବ ତୁମେ?

କେବେ ଆସିବ ତୁମେ?

ରୋଜା ପଣ୍ଡା

ପୂର୍ଣ୍ଣାନନ୍ଦ ଭବନ

ନେତାଜୀ ନଗର,ମଧୁପାଟଣା

କଟକ-୭୫୩୦୧୦

[e-mail]