ସଂସ୍କାର
ସଂସ୍କାର
ସମ୍ପ୍ରତି ସମାଜେ ନୈତିକ ଶିକ୍ଷାର ଅଭାବ
ଦୃଶ୍ୟମାନ ହେଉଅଛି
ପିତା ମାତା ଏଥିପାଇଁ ଶହେ ପ୍ରତିଶତ
ଦାୟୀବୋଲି ମୁଁ କହୁଅଛି||
ମାତା ପିତାଙ୍କ ପ୍ରେରଣାରେ ସେ ସାତସିନ୍ଧୁ
ପରିହୋଇଯାଇ ଥାଏ
ଅବହେଳା କଲେ କଞ୍ଚା ମାଟି ହାଣ୍ଡି ଭଳି
ତା ଭଵିଷ୍ୟତ ଭାଙ୍ଗି ଯାଏ||
ପ୍ରଥମେ ଚକ୍ଷୁ ଖୋଲି ସେ ସ୍ପର୍ଶ ପାଇଥାଏ
ସର୍ବସଂହା ଜନ୍ମଭୂମିର
ଦ୍ୱିତୀୟରେ ଜନ୍ମିତ ମାତାର କୋଳେ କୁଆଁ
ଶବ୍ଦ ରେ ହୁଏ ବିଭୋର ||
କ୍ରମଶ ତାର ଶରୀର ବୃଦ୍ଧି ସହିତ ମାନସିକ
ବିକାଶ ସାଧିତ ହୋଇଥାଏ
ତାର ଗୁଣଗାରିମା ଚାରିଆଡେ ବିସ୍ତୃତ ହୁଏ
ଯଦି ନୈତିକ ଶିକ୍ଷା ଥାଏ ||
ସହପାଠୀ ମେଳେ ଆଦରର ପାତ୍ର ହୋଇ
ସଭିଙ୍କ ହୃଦୟ ଜିତେ
ଗୁରୁ ଗୁରୁଜନଙ୍କର ଆଶୀର୍ବାଦ ତାମସ୍ତକେ
ପ୍ରତୀୟମାନ ହୁଏ ସତେ||