କି କରିବି ବୁଦ୍ଧି ଦେଖା

ମୁହଁସଞ୍ଜବେଳେ ଯମୁନା କୂଳକୁ

ଯାଇଥିଲି ସଖି ଏକା ,

ଅଚାନକ ସେଠି ନନ୍ଦ ପୁଅ ସଙ୍ଗେ

ହୋଇଗଲା ମୋର ଦେଖା।(୦)

କଣେଇ କଣେଇ ଚାହିଁଲା ସେ ମୋତେ

ଅଧରେ ଫୁଟାଇ ହାସ ,

ତରତର ହୋଇ ଫେରି ଆସିଲି ମୁଁ

କାଖରେ ଘେନି କଳସ ।

କାଳେ ଆଉ କିଏ ଦେଖିନେବ ବୋଲି

ମନରେ ପଶିଲା ଦକା ।(୧)

ମୁହଁସଞ୍ଜବେଳେ ଯମୁନା କୂଳକୁ

ଯାଇଥିଲି ସଖି ଏକା ,

ଅଚାନକ ସେଠି ନନ୍ଦ ପୁଅ ସଙ୍ଗେ

ହୋଇଗଲା ମୋର ଦେଖା ।

ଜାଣିଛ ତ କାହ୍ନା କେଡ଼ିକି ଛଳିଆ

କେତେ କଥା ତାକୁ ଜଣା ,

ଅବାଟରୁ କେବେ ବାଟକୁ ଆଣେ ସେ

କେବେ କରେ ବାଟ ବଣା ।

ସେଇ କଥା ଭାଳି ଛନକା ପଶିଛି

କି କରିବି ବୁଦ୍ଧି ଦେଖା ।(୨)

ମୁହଁସଞ୍ଜବେଳେ ଯମୁନା କୂଳକୁ ଯାଇଥିଲି ସଖି ଏକା ,

ଅଚାନକ ସେଠି ନନ୍ଦ ପୁଅ ସଙ୍ଗେ

ହୋଇଗଲା ମୋର ଦେଖା।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।