ଜୀବନ ଯେଉଁଠି ଅଲୋଡା
ଜୀବନ ଯେଉଁଠି ଅଲୋଡା
ରାଜା ରଙ୍କ ଯହିଁ ଏକାଠି ଶୁଅନ୍ତି ଇଶ୍ୱରଙ୍କ ଭିଆଣ
ଜୀବନ ଶେଷରେ ଦିନକ ପାଇଁ ହୁଅନ୍ତି ସେଠି ମିଳନ ।
ମୁର୍ଦାର ଖାନା ସେହି ସ୍ଥାନଟି ବନ୍ଦ କବାଟ ତା'ର
ଜୀବନ ଗଲେ ଅଲୋଡା ମଣିଷ ପାଇଁ ସରଗ ପୁର ।
ମଶାଣି ଭୂଇଁ ର ପରିବେଶ ସେଠି ଅବ୍ୟବସ୍ଥିତ ସବୁ
କ୍ଷମତା ବଳରେ କେହି କାହାକୁ କରି ନପାରେ କାବୁ ।
ଜୀବନ ମରଣ ଦୁଇଟି ଶବ୍ଦ ପରିପୂରକ ଦୁହେଁ
ତଥାପି ମଣିଷ ମଣିଷ ନଚିହ୍ନେ ଆଖି ତରାଟି ଚାହେଁ ।
ଏ ଦୃଶ୍ୟ ଦେଖି ସଚେତନତା ଆସିବ ନାହିଁ ଯଦି
କମେଇବାର ନିଶା ଅସରନ୍ତି ମୁଣ୍ଡରେ ରଖିବ ଲଦି !
ଜୀବନ ଆମ ଅଢେଇ ଦିନିଆ ବଡେଇ କାହିଁକି ଏତେ
ଆଲେକଜାଣ୍ଡାର୍ ନେପୋଲିୟନ୍ ମାମୁଦ ସାଥିରେ ନେଲେ କେତେ !
ସୁଧୁରି ଯାଅ ମନରେ ହେଜ ଅମୃତର ସନ୍ତାନ
ପୂରୁବ ଶୂରୀ ମନ୍ତ୍ର ଦେଇଛନ୍ତି 'ସର୍ବେ ଭବନ୍ତୁ ସୁଖିନ' ।